सामूहिक बलात्कारको आरोपमा २ कर्मचारी सहित ३ जना पक्राउ

सुरक्षा/अपराध

नेपाल लाइभ आइतबार, भदौ १६, २०८१ १४:३७

बुटवल- सामूहिक बलात्कारको आरोपमा प्रहरीले दुई जना कर्मचारी सहित ३ जनालाई पक्राउ गरेको छ। रुपन्देहीको कोटहीमाई गाउँपालिकाकी एक युवतीलाई सामूहिक बलात्कार गरेको आरोपमा प्रहरीले तीन जनालाई पक्राउ गरेको हो।

पक्राउ पर्नेमा कोटहीमाई गाउँपालिकामा कार्यरत कर्मचारी मनोहर चौधरी, उद्यम विकास सहजकर्ता मुकेश चौधरीसहित वडा नम्बर ३ का बन्टी भन्ने शैलेश पाण्डे रहेको प्रहरीले जानकारी दिएको छ।

घटना गत भदौ ५ गतेको भए पनि शनिबार मात्रै प्रहरीमा उजुरी परेको थियो। पक्राउ परेका तीनै जनालाई म्याद थप गर्न अदालत लान लागिएको प्रहरीले जनाएको छ।

पीडितलाई रोजगारीको प्रलोभन दिएर ३ जनाले जबरजस्ती करणी गरेको पीडित पक्षको आरोप छ।

उनीहरूले पीडितलाई रोजगारीको तालिम दिने भन्दै एक होटेलमा बोलाएर सामूहिक करणी गरेको प्रहरीमा परेको जाहेरीमा उल्लेख छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

विश्वकै प्रदूषित सहरको सातौँ स्थानमा काठमाडौँ

फिनल्याण्डसँग सार्वजनिक लगानी परिचालन परियोजनासम्बन्धी सम्झौतामा हस्ताक्षर

निर्वाचन आयोग: चुनाव हुने स्थानमा शंकास्पद व्यक्तिलाई प्रवेश नदिनु