राष्ट्रिय महिला लिग आजदेखि

फुटबल

नेपाल लाइभ आइतबार, भदौ १६, २०८१ ०८:५२

काठमाडौं-राष्ट्रिय महिला लिग आजदेखि सुरु हुँदैछ । ३ बजे हुने उद्घाटन खेलमा कोशी प्रदेशले वालिङको सामना गर्नेछ । १० टोली सहभागी हुने महिला लिगको पहिलो चरणका सबै खेल एन्फा कम्प्लेक्स, सातदोबाटोमा हुनेछ ।

हिजो सम्पन्न प्रि-म्याच कन्फ्रेन्समा सहभागी क्लबका खेलाडीले वर्षाका कारण तयारीमा असर परेको बताएका छन् । छोटो तयारीका बीच पनि धेरै क्लबहरुले राम्रो प्रदर्शन गर्ने दाबी गरेका छन् ।

लिगमा तीन विभागीय, तीन प्रदेशिक, नगरपालिकाका दुई र दुई व्यावसायिक क्लब सहभागी छन् । हिजो आयोजित प्रिम्याच प्रेस कन्फरेन्समा कोशी प्रदेशकी उपकप्तान सिमरन राईले पर्याप्त तयारी नभए पनि राम्रो प्रदर्शन गर्नेमा विश्वस्त रहेको बताएकी छन् ।

सहभागी टोलीले सिंगल राउन्ड रोबिन शैलीमा खेल्नेछन् । सबै टिमले एक महिनाभित्र समान नौ-नौ खेल खेलेपछि पाँच टिमले दोस्रो चरणमा स्थान बनाउने छन् भने पाँच टिम बाहिरिनेछन् । दोस्रो चरणमा पुगेका टिमलाई दशरथ रंगशालामा मंसिरदेखि डबल राउन्ड रोबिन शैलीमा खेलाइनेछ । दोस्रो चरणको शीर्ष चार टिमको क्वालिफायर, इलिमिनेटर र फाइनल खेल हुनेछन् ।

सवा २ करोड खर्च अनुमान गरिएको प्रतियोगिताको विजेताले १० लाख र उपविजेताले पाँच लाख रुपैयाँ पाउनेछ । त्यसैगरी, उत्कृष्ट खेलाडीले एक लाख, साथै फेयर प्ले टिमले एक लाख ५० हजार पुरस्कार पाउनेछन् ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

रास्वपाले कीर्तिपुरमा व्यक्ति तोकेर सघाउने निर्णय नगर्ने

विश्वकै प्रदूषित सहरको सातौँ स्थानमा काठमाडौँ

फिनल्याण्डसँग सार्वजनिक लगानी परिचालन परियोजनासम्बन्धी सम्झौतामा हस्ताक्षर