शंखमूलमा पुरूषको हत्या आरोपमा एक जना पक्राउ

सुरक्षा/अपराध

नेपाल लाइभ बुधबार, भदौ १२, २०८१ १६:४३

काठमाडौं– काठमाडौंको शंखमूलमा एक जना पुरूषको हत्या गरेको आरोपमा प्रहरीले एक जनालाई पक्राउ गरेको छ।

काठमाडौं महानगरपालिका-१० शंखमूल साइबाबा पार्कस्थित दुई तले घरमा बस्ने ४९ वर्षीय रूपक बान्तवा राईको हत्या भएको थियो।

उनको हत्या गरेको आरोपमा प्रहरीले एक जनालाई पक्राउ गरेको जिल्ला प्रहरी परिसर काठमाडौंका एसपी नवराज अधिकारीले जानकारी दिए।

पक्राउ पर्नेमा बारा सिम्रौनगढ नगरपालिका-७ घर भई काठमाडौं-१० साइबाबा पार्कमा बस्ने २२ वर्षीय एमके कुमार छन्।

उनलाई प्रहरीले बुधबार बिहान सवा १० बजे डेराको कोठाबाट पक्राउ गरेको एसपी अधिकारीले बताए।

एसपी अधिकारीका अनुसार पुरानो रिसइबीका कारणले रडले प्रहार गरी हत्या गरेको उनीमाथि आरोप छ।

‘उनीहरू नजिकै बस्ने हुन्। प्रारम्भिक अनुसन्धानबाट उनीहरूबीच व्यक्तिगत रिसइबी देखिएको छ,’ उनले भने, ‘थप अनुसन्धानबाट खुल्छ।’

सोमबार बिहान १:५० बजे साइबाबा पार्कस्थित घरको भुइँ तलामा रूपक अचेत र रगताम्य अवस्थामा फेला परेका थिए। उनले सोही ठाउँमा स्नुकर हाउस सञ्चालन गर्दै आएका थिए।

स्नुकर हाउसको सोफामा उनी रगताम्य अवस्थामा फेला परेको खबरपछि प्रहरी वृत्त बानेश्वरबाट प्रहरी खटिएको थियो। उक्त टोलीले रूपकलाई उद्धार गरी नजिकैको सिभिल अस्पतालमा पुर्याएको थियो।

अन्दाजी साढे २ बजेतिर चिकित्सकले उनलाई मृत घोषणा गरेको हो। प्रहरीले उनलाई पक्राउ गरी प्रहरी वृत्त बानेश्वरमा राखेको छ। प्रहरीले घटनामा प्रयोग भएको रड र मृतकको चेक, चस्मा, व्याग र लुगा पनि बरामद गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एनपीएलमा हानिने प्रत्येक चौकामा एनसेल फाउन्डेसनले विद्यार्थीलाई चार शैक्षिक सामग्री दिने

परराष्ट्रमन्त्री डा. राणा चीनको छेङ्दुमा

घर मर्मत सम्बन्धी सबै काम मोबाइल एप बाटै