आँबुखैरेनी बस दुर्घटनाका ११ जना घाइतेको टिचिङ अस्पतालको इमरजेन्सीमा उपचार हुँदै, थप चार जना ल्याइँदै

समाचार

नेपाल लाइभ शुक्रबार, भदौ ७, २०८१ १७:३४

काठमाडौं– तनहुँको आँबुखैरेनी गाउँपालिका-२ मा भएको बस दुर्घटनाका गम्भीर घाइते ११ जनालाई उपचारका लागि महाराजगन्जस्थित त्रिवि शिक्षण अस्पताल ल्याइएको छ। उनीहरूलाई नेपाली सेनाको हेलिकोप्टरबाट काठमाडौं ल्याएको हो।

उनीहरुलाई इमरजेन्सी वार्डमा राखेर उपचार भइरहेको अस्पतालका निर्देशक डा दिनेश काफ्लेले जानकारी दिए। नेपाललाइभलाई उनले दिएको जानकारी अनुसार थप चार जना घाइतेलाई उपचारका लागि ल्याइँदैछ।

शुक्रबार पोखराबाट काठमाडौं जाँदै गरेको भारती पर्यटक बोकेको बस आँबुखैरेनी गाउँपालिकाको ऐना पहराबाट मर्स्याङ्दी नदीमा खसेको थियो। दुर्घटनामा १५ जनाको अचेत र १४ जनाको घाइते अवस्थामा उद्धार गरिएको थियो।

तनहुँका प्रमुख जिल्ला अधिकारी जनार्दन गौतमले उद्धार कार्य जारी रहेको जानकारी दिएका छन्। दुर्घटनाका घाइते एकजनालाई आँबुखैरेनी अस्पतालमा उपचार भइरहेको र एकजना बालकलाई भरतपुर पठाइएको जानकारी दिए।

बसमा ४३ जना यात्रु रहेको पुष्टि भएको छ। दुर्घटनामा फेला नपरेका यात्रुहरूको खोजि जारी रहेको तनहुँ प्रहरीले जानकारी दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आजदेखि काठमाडौंमा रवि लामिछानेको बयान

भारत हुँदै अवैध रुपमा कुवेत जान लागेका १३ युवतीको उद्धार

एनपीएलमा हानिने प्रत्येक चौकामा एनसेल फाउन्डेसनले विद्यार्थीलाई चार शैक्षिक सामग्री दिने