भारतीय बस मर्स्याङ्दी नदीमा खस्दा १४ जनाको मृत्यु

समाचार

नेपाल लाइभ शुक्रबार, भदौ ७, २०८१ १३:१७

काठमाडौँ- तनहुँको ऐना पहरामा बस दुर्घटना हुँदा १४ जनाको मृत्यु भएको छ। दुर्घटनाग्रस्त बसबाट १४ जनाको शव निकालिएको सशस्त्र प्रहरीका सहप्रवक्ता तथा डीएसपी शैलेन्द्र थापाले जानकारी दिए ।

दुर्घटनास्थलमा प्रहरीले उद्धार जारी राखेको छ। केही यात्रु हराइरहेको र उनीहरुको खोजी भइरहेको प्रहरीले जनाएको छ।

भीर भएका कारण तुइन रोपको सहायताले बास्केट स्टेचरमा राखेर घाइते र मृतकलाई सडकसम्म ल्याउने काम भइरहेको छ। उद्धारमा १० गोताखोरसहित सशस्त्र प्रहरीको ८० जनाको टोली खटिएको छ। प्रहरी पनि उद्धारमा खटिएको छ।

शुक्रबार बिहान पोखराबाट काठमाडौं आउँदै गरेको भारतीय नम्बर प्लेटको बस आँबुखैरेनी ऐना पहारा भन्ने ठाउँबाट मर्स्याङ्दीमा खसेको थियो।

यूपी ५३ एफटी ७६२३ नम्बरको यात्रुवाहक बस दुर्घटनामा परेको जिल्ला प्रहरी कार्यालय तनहुँले जनाएको छ।

बस सडकबाट मर्स्याङ्दी किनारमा कच्याकुचुक अवस्थामा देखिन्छ। दुर्घटनास्थलमा नेपाल प्रहरी, सशस्त्र प्रहरीको गोताखोर सहितको उद्धार टोली खटिएको छ।

प्रारम्भिक रूपमा बसमा ३५ जना भएको जानकारी पाइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

लुम्बिनीका विदेशी खेलाडी टम मूर्स नेपाल आइपुगे, चितवन राइनोज्‌मा जोडिए सोहेल तनवीर

आजदेखि काठमाडौंमा रवि लामिछानेको बयान

भारत हुँदै अवैध रुपमा कुवेत जान लागेका १३ युवतीको उद्धार