साफ यू–२० च्याम्पियनसिप : पहिलो हाफमा नेपाललाई २–१ को अग्रता

फुटबल

नेपाल लाइभ बिहीबार, भदौ ६, २०८१ १५:५८

काठमाडौं– नेपालमा जारी साफ यू–२० च्याम्पियनसिपको समूहचरणको अन्तिम खेलमा नेपालले अहिले बंगलादेशविरुद्ध पहिलो हाफमा अग्रता लिएको छ।

एन्फा कम्प्लेक्स च्यासलमा जारी खेलमा पहिलो हाफ सकिँदा नेपालले दुई गोल गर्दा बंगलादेशले एक गोल फर्काएको छ।

नेपालले १८ औं मिनेटसम्म दुई गोलको अग्रता बनाएको थियो। १६ औं मिनेटमा समिर तामाङको गोलबाट १–०को अग्रता बनाएको नेपालले त्यसको दुई मिनेटभित्रै अर्को गोल थपेको थियो।

दोस्रो गोल नेपालका लागि निराजन धामीले गरेका हुन्। तर पहिलो हाफको अन्त्यतिर नेपालले डी–बक्स एरियामा फाउल गर्न पुगेपछि पेनाल्टी पायो र बंगलादेशले पेनाल्टीमार्फत् एक गोल फर्कायो।

खेलको सुरुवातदेखि नै आक्रामक आक्रमण गरिरहेको नेपाल यसअघि नै प्रतियोगिताको सेमिफाइनलमा पुगिसकेको छ। आजको खेल जितेमा समूह विजेता बन्दै नेपाल सेमिफाइनलमा जानेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुन चाँदीको मूल्यमा सामान्य वृद्धि

तत्काल संसद् अधिवेशन आह्वानको माग

प्रधानमन्त्री ओली भन्छन् : अर्थतन्त्रलाई सबल बनाउन सरकारले ध्यान दिएको छ