भरतपुर अस्पतालमा महिलाको मृत्युबारे छानबिन गर्न समिति गठन

समाचार

भरतपुर अस्पतालमा महिलाको मृत्युबारे छानबिन गर्न समिति गठन७ दिनभित्र प्रतिवेदन बुझाइसक्नुपर्ने

नेपाल लाइभ बुधबार, भदौ ५, २०८१ १६:४५

काठमाडौं- उपचारका लागि भरतपुर अस्पताल गएकी एक महिलाको ज्यान गएको सम्बन्धमा छानबिन समिति गठन गरिएको छ।

पाठेघरमा पलाएको मासुको डल्लो निकाल्नको लागि भरतपुर अस्पताल पुगेकी गैँडाकोट ५ घर भएकी सम्झना काफ्लेको ज्यान गएको थियो।

चितवनका प्रमुख जिल्ला अधिकारीको संयोजकत्वमा बैठक राखेर छानबिन समिति गठन गरिएको छ।

भरतपुर अस्पतालका सिनियर डाक्टर प्रकाश खतिवडाको संयोजकत्वमा नौ सदस्यीय सर्वपक्षीय छानबिन समिति गठन गरिएको हो।

समितिका सदस्यहरुमा क्यान्सर अस्पतालका एनेस्थेसिया डाक्टर प्रदिप थापा, प्रहरी निरीक्षक विवेक घिमिरे, जिल्ला प्रशासन कार्यालयका प्रशासकीय अधिकृत अन्तिम सिंजाली रहेका छन्। त्यसैगरि मृतकका आफन्तका तर्फबाट रमेश काफ्ले, राजेन्द्र ढकाल र मन्दिरा काफ्ले रहेका छन्। भरतपुर अस्पतालका शाखा अधिकृत तुलसीराम आचार्यलाई सदस्य सचिव तोकिएको छ।

छानबिन समितिले ७ दिनभित्र प्रतिवेदन बुझाइसक्नुपर्ने छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कर्णाली याक्सलाई महिन्द्रा अग्नि ग्रुपको साथ

विश्नोईको नाममा धम्की दिएको आरोपमा झापाका युवक पक्राउ

हाइटेन्सन तार चुँडिएर करेन्ट लाग्दा मकवानपुरमा एक जनाको मृत्यु