काठमाडौं-‘आँखा’ सिनेमा आगामी असोज ११ गते रिलिज हुने भएको छ । निर्माण टिमले पोस्टरको नयाँ लुक्स सार्वजनिक गर्दै असोज ११ गतेबाट सिनेमा रिलिज हुने घोषणा गरेको हो । लामा सिनेमाजले निर्माण गरेको यो सिनेमाले सामाजिक विषयवस्तु पेस गर्ने जनाइएको छ।
सार्वजनिक पोष्टरमा अभिनेत्री स्मिता लामिछाने र आरके मेहतालाई प्रस्तुत गरिएको छ । सुकुम्बासी बस्ती र सूर्यमुखी फूललाई पृष्ठभूमि बनाएर पोस्टर तयार पारिएको छ ।
जौन योञ्जन सिनेमाका निर्देशक हुन्। ढाका टोपी सिनेमास्, कार्यक्रम नेपाल, साइलेन्ट एक्ट र ट्राइडेन्ट कन्सेप्टको सहकार्यमा तयार भएको सिनेमालाई आरआर सिनेमास्ले देशभर वितरण गर्नेछ ।
सिनेमामा स्मिता र आरकेका अलावा निशा अधिकारी, वुद्धि तामाङ, विजय बराल, सरोज खनाल, पशुपति राई, कृष्णभक्त महर्जन, राजन खतिवडा, प्रवीण खतिवडा, लुनिभा तुलाधर, रविन्द्र झा र अभयराज बराल मुख्य भूमिकामा छन् । प्रसन राइलाई बाल–कलाकारको रुपमा देख्न सकिनेछ । निर्देशक योञ्जनकै कथा, पटकथा रहेको सिनेमाका निर्माता पनि उनै हुन् ।
नारायणप्रसाद बराल कार्यकारी निर्माता रहेको सिनेमामा राम बस्नेत लाइन प्रोड्युसरको रुपमा छन् । रेनुका कार्की सह–निर्माता हुन् । यो सिनेमामा कृष्ण भण्डारी र निर्देशक योञ्जनको सम्पादन, आलोक शुक्लाको छायांकन, दीपक आरजे र जयन जे वाइवाको संगीत छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
