‘वर एण्ड वधु’ ट्रेलर: घरानियाँ युवायुवतीको मायाप्रेम, धोका अनि बिहेको कथा

सिनेमा

नेपाल लाइभ आइतबार, भदौ २, २०८१ १०:३९

काठमाडौँ- ‘वर एण्ड वधु’को ट्रेलर सार्वजनिक भएको छ। भदौ १४ गते रिलिज हुने सिनेमाको मायाप्रेम, धोका र विवाहको समिश्रणयुक्त ट्रेलर रिलिज भएको छ।

सिनेमामा माया प्रेमसँगै कमेडी र एक्सनको समेत मज्जा लिन सकिने संकेत सार्वजनिक ट्रेलरबाट बुझ्न सकिन्छ।

मिलन चाम्स सिनेमाका निर्देशक हुन्। सिनेमामा आँचल शर्मा तथा विवेक कर्माचार्य प्रमुख भूमिकामा छन्।

जानुका थापाको लगानीमा तयार भएको सिनेमामा उनीहरुका अलावा गरिमा शर्मा, विजु पार्की, किरण केसी, सरिता लामिछाने, कुसुम शर्मा, श्रृष्टी खड्का, हिमेश पन्त, दिनेश काफ्ले, यमन श्रेष्ठ, रविन्द्र खड्का, अंशु महर्जन र सीता न्यौपानेको अभिनय छ ।

अमित रिजाल कार्यकारी निर्माता रहेको फिल्मलाई एलआरके प्रोडक्सनको प्रस्तुतिमा तयार पारिएको हो ।

सुदिप बरालको डीओपी रहेको फिल्ममा मिलन श्रेष्ठको सम्पादन, साहिल खानको ट्रेलर, हिमाल केसीको एक्सन, प्रदीप भारद्वाजको लेखन, रविन्द्र न्यौपाने र अनिस स्याङ्देनको कोरियोग्राफी, सन्तोष लामाको कला निर्देशन, अर्जुन पोखरेलको संगीत छ।

यस्तै, निर्देशक मिलन चाम्सले पनि फिल्म दर्शकलाई मनपर्ने विश्वास व्यक्त गरे। नायक विवेक कर्मचार्यले फिल्मका लागि निकै मिहिनेत गरेको भन्दै सबै खालको भूमिका निर्वाह गर्न सहज लागेको तर्क गरे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एनपीएल खेल्न काठमाडौं आइपुगे शिखर धवन

यू–१९ एसिया कप: श्रीलंकासँग नेपाल ५५ रनले पराजित

मतगणनाको अद्यावधिक परिणाम आयोगको बेवसाइटमा हेर्न सकिने