साउनको अन्तिम सोमबार आज देशभरका शिवालयमा दर्शनार्थीको घुइँचो

समाचार

नेपाल लाइभ सोमबार, साउन २८, २०८१ ०८:२७

काठमाडौं- साउन महिनाको अन्तिम सोमबार आज काठमाडौंको पशुपतिनाथ मन्दिरसहित देशभरका शिवालयमा दर्शनार्थीको घुइँचो लागेको छ ।

आज बिहान ३ बजेदेखि नै पशुपतिका चारै ढोका खोलिएको थियो । काठमाडौंको सुन्दरीजलदेखि पशुपतिनाथ मन्दिरसम्म जल चढाउन गेरुवस्त्रधारी 'बोलबम' हरुको पनि भीड लागेको छ ।

साउन महिना र सोमबारलाई भगवान शिवको विशेष महिना र बार मानिन्छ । आज बिहानै स्नान गरि शिवालयमा पूजा एंव दर्शन गरेमा मनोकांक्षा पुरा हुने, अटल शौभाग्य प्राप्त हुने धार्मिक विश्वास छ । आज साउनको अन्तिम सोमबार भएकाले सोमबारे ब्रत बस्नेले गोदान, पूर्णपात्रसहित कामना पूर्ण होस् भनी ब्रत समापन गरिन्छ ।

आजै बोलबम भन्दै गरुवस्त्र धारण गरि खाली खुट्टा जलाशयबाट जल ल्याइ शिव लिंगमा चढाउने गरिन्छ । नेपाल र भारतका शिवालयहरुमा साउन महिनामा बोलबम भन्दै हिडेका गेरुवस्त्रधारी भक्तजन धेरै भेटिन्छन् । काठमाडौंमा सुन्दरीजलको जल पशुपतिसम्म पैदल आएर चढाउने गरिन्छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सिरहामा मोटरसाइकल दुर्घटना- एक युवकको घटनास्थलमै मृत्यु, दुईको अवस्था गम्भीर

आजदेखि एनपीएल सुरु: उद्घाटन खेलमा जनकपुर र विराटनगर भिड्दै

एनपीएल खेल्न काठमाडौं आइपुगे शिखर धवन