अस्पतालबाट फरार कैदी पक्राउ

सुरक्षा/अपराध

नेपाल लाइभ बिहीबार, साउन २४, २०८१ १८:५५

विराटनगर- कोशी अस्पताल विराटनगरबाट फरार भएका एक जना कैदी बिहीबार पक्राउ परेका छन्। जबरजस्ती करणी मुद्दामा जिल्ला कारागार मोरङमा कैद भुक्तान गरिरहेका कैदी अस्पतालबाट उपचारकै क्रममा साउन १७ गते फरार भएका थिए।

विराटनगर उपमहानगरपालिका–८ निवासी २४ वर्षीय मोहम्मद अहमदलाई जबरजस्ती करणी मुद्दाको कसुरमा जिल्ला अदालत मोरङले २०७९ साल फागुन २९ गते १२ वर्ष कैद र रु पाँच लाख जरिवना गरेको थियो।

फरार कैदीलाई खोजतलास गर्ने क्रममा मोरङको जहदा गाउँपालिका–१ तारेगामा स्थित नेपाल भारत सीमा नजिकबाट इलाका प्रहरी कार्यालय रानीबाट खटिएका प्रहरी टोलीले पक्राउ गरेको हो। पक्राउ परेका कैदीमाथि थप अनुसन्धान भइरहेको कोशी प्रदेश प्रहरी कार्यालय विराटनगरका प्रवक्ता एवं प्रहरी नायव उपरीक्षक ध्रुवकुमार श्रेष्ठले जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पाकिस्तानी दिदीबहिनीले आफ्नो बलात्कार गर्ने बाबुलाई पेट्रोल छर्केर आगो लगाए

न्याय सेवा आयोगका साढे दुई सय कर्मचारीको सरुवा

नवलपरासीमा विद्यालयका लेखापाल र व्यवस्थापन समितिका सदस्य घुससहित पक्राउ