गुल्मीको पहिरोमा परी चार जनाको मृत्यु, दुई जना घाइते

समाचार

नेपाल लाइभ मंगलबार, साउन २२, २०८१ १४:१४

काठमाडौं– पहिरोमा परेर गुल्मीमा चार जनाको मृत्यु भएको छ। दुई जना घाइते छन्।

मुसिकोट नगरपालिका वडा नम्बर १ बिसौनामा पहिरोमा परेर चार जनाको मृत्यु भएको र दुई जना घाइते रहेका छन्।

वडाध्यक्ष विष्णुध्वज खातीका अनुसार माथिबाट आएको पहिरोले आज बिहान दुई घर पुरेको हो। चार जनाको मृत्यु भएको छ भने घाइते दुई जनालाई उद्धार गरेर उपचारका लागि अस्पताल पठाइएको छ।

वडाध्यक्ष खातीका अनुसार हुकुम विक, गोरे विक, मसुरी विक र रियन्सा विकको पहिरोमा पुरिएर मृत्यु भएको छ भने विष्णु विक र मुना विकलाई उद्धार गरेर स्थानीय स्वास्थ्य चौकीमा उपचारका लागि लगिएको छ।

विष्णुको दाहिने खुट्टा र छाती तथा मुनाको बायाँ खुट्टामा चोट लागेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

क्यामेल चुरोटको विज्ञापन गर्नेलाई काठमाडौं महानगरले गर्‍यो २५ हजार जरिवाना

बेलायतका राजकुमार दम्पती भोलि नेपाल आउँदै

पाथीभरा केबलकार विवाद : सरकारी वार्ता टोलीले थाल्यो काम