बेलायती नागरिकलाई लेबनान छोड्न आग्रह

विश्व

नेपाल लाइभ आइतबार, साउन २०, २०८१ ०६:४१

एजेन्सी-इजरायल र हेजबुल्लाहबीच युद्ध र व्यापक क्षेत्रीय द्वन्द्वको डरबीच बेलायत सरकारले लेबनानमा रहेका आफ्ना नागरिकलाई तत्काल देश छोड्न आग्रह गरेको छ ।

बेलायती विदेश मन्त्रालयले एक विज्ञप्ति जारी गर्दै लेबनान छोड्न आफ्ना नागरिकलाई आग्रह गरेको हो । विदेशमन्त्री डेभिड ल्यामीले तनाव उच्च रहेको र स्थिति चाँडै बिग्रन सक्ने जनाएका छन् ।

'हामी लेबनानमा हाम्रो कन्सुलर उपस्थितिलाई बलियो बनाउन अहोरात्र काम गरिरहेका छौं, त्यहाँ रहेका बेलायती नागरिकहरूलाई मेरो सन्देश स्पष्ट छ अब लेबनान छोड्नुहोस्,' उनले भने ।

विदेश मन्त्रालयले उक्त क्षेत्रमा ‘सीमा बल, कन्सुलर अधिकारी र सैन्य कर्मीहरू’ तैनाथ गरेर बेलायतीहरूका लागि आफ्नो सहयोगलाई ‘मजबुत’ बनाइरहेको बताएको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आजको मौसमः तराईमा हुस्सु र कुहिरो, पहाडमा सामान्यतया सफा रहने

क्यानडा र मेक्सिको माथि २५ प्रतिशत आयातकर लगाउने ट्रम्पको निर्णय तत्काललाई स्थगित

आज गण्डकी प्रदेशभर सार्वजनिक बिदा