आईसीयूबाट क्याबिनमा सारियो घाइते क्याप्टेन शाक्यलाई

समाचार

आईसीयूबाट क्याबिनमा सारियो घाइते क्याप्टेन शाक्यलाईइन्फेक्सनको डरले आफन्ताई भेट्न दिइएको छैन

नेपाल लाइभ शुक्रबार, साउन ११, २०८१ ११:४५

काठमाडौं- सौर्य एअरलाइन्सको जहाज दुर्घटनामा घाइते भएका पाइलट मनिषरत्न शाक्यलाई खतरामुक्त भएपछि सघन उपचार कक्ष (आइसियू)बाट क्याबिनमा सारिएको काठमाडौं मेडिकल कलेजले जनाएको छ।

'उहाँको स्वास्थ्य अवस्था सुधारोन्मुख छ, आइसियूबाट क्याबिनमा सारिएपनि इन्फेक्सन हुनसक्ने भन्दै आफन्त तथा शुभचिन्तकलाई भेट गर्न दिएका छैनौं', काठमाडौं मेडिकल कलेजका डाइरेक्टर प्राडा मीना थापाले भनिन्।

उनलाई आइसियूबाट हिजो राति नै सारिएको डा थापाले बताइन्। शाक्यको टाउको र शरीरमा चोट लागेकोले उनी केएमसीको आइसीयूमा उपचारत थिए।

सौर्य एयरलाइन्सको जहाज गत बुधबार बिहान ११ बजे त्रिभुवन अन्तर्राष्ट्रिय विमानस्थलबाट उड्नेबित्तिकै दुर्घटनाग्रस्त हुँदा १८ जनाको मृत्यु भएको थियो । क्याप्टेन शाक्य गम्भीर घाइते भएका थिए। घाइते क्याप्टेन शाक्यको टाउको र शरीरका केही भागमा चोट लागेको अस्पतालले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय

मन्त्रिपरिषद् बैठक सुरु

अप्राकृतिक भएकै कारण अब ओली सरकार चल्दैन : अध्यक्ष प्रचण्ड