काठमाडौं-जारी हिंसात्मक आन्दोलनका कारण ८ सय नेपाली विद्यार्थीले बंगलादेश छाडेका छन् । परराष्ट्र मन्त्रालयले सामाजिक सञ्जालमार्फत ८ सय विद्यार्थीले हवाइ तथा स्थलमार्गमार्फत् बंगलादेश छाडिसकेको जानकारी दिएको हो ।
मन्त्रालयले ढाकास्थित दूतावासले सीमाविन्दू र विमास्थलमा नेपाली विद्यार्थीको फिर्तीलाई सहजीकरण गरिरहेको उल्लेख गर्दै नेपाली विद्यार्थीको सुरक्षा प्रत्याभूतिका लागि प्रतिबद्ध रहेको जनाएको छ ।
यस्तै सुरक्षित महसुस गरेका थप १७ नेपाली विद्यार्थीलाई सरकारले हवाई उद्धार गर्ने भएको छ ।
प्रधानमन्त्री केपी शर्मा ओलीले आज बिहान १७ विद्यार्थीलाई ढाका विमानस्थलबाट काठमाडौं ल्याइने जानकारी सामाजिक सञ्जालबाट दिएका छन् । विद्यार्थीका परिवारसँगको छलफलपछि उनीहरुलाई नेपाल फर्काउन लागिएको प्रधानमन्त्री ओलीले उल्लेख गरेका छन् ।
नेपाल फर्कन चाहने अन्य विद्यार्थीका लागि पनि परराष्ट्र मन्त्रालयले अनलाइनमार्फत फाराम भर्न सकिने व्यवस्था मिलाइएको उनको भनाइ छ ।
* अपडेट गरिएको
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
