काठमाडौँ- ‘मोदीबेनी’ सिनेमाको ट्रेलर सार्वजनिक भएको छ। बिहीबार नयाँ बानेश्वरस्थित आईएनआई सिनेमा हलमा आयोजित एक कार्यक्रमबीच ट्रेलर सार्वजनिक गरिएको हो।
पर्वत जिल्लाको मोदीबेनीमा घटेको अविश्वसनीय घटनामा आधारित भएर बनेको सिनेमा साउन १८ गते रिलिज हुँदैछ। सिनेमाका निर्देशक शंकर कोइराला हुन् ।
सिनेमामा वर्षा शिवाकोटी, अमर प्रताप श्रेष्ठ तथा प्रविण खतिवडा प्रमुख भूमिकामा रहेका छन्। उनीहरुका अलावा सिनेमामा सरोज खनाल, रेजिना उप्रेती, दिलिप केसी, जीवन भट्टराई, कमलमणि नेपाल, हिउँवाला गौतम, सरोज अर्याल, गोविन्द सुनार, पूजन श्रेष्ठ, स्नेहा भट्टराई, लविस गर्तौला, सुब्रतराज आचार्य, अनामिका लामिछाने, शेरबहादुर बराल, रोजी श्रेष्ठ लगायतको पनि अभिनय रहेको छ।
आनन्द बिक्रम क्षेत्रीको लेखन रहेको सिनेमाका निर्माता दीलिप केसी र सह-निर्माता हरि श्रेष्ठ हुन्। यसमा उत्सव दाहालले छायाङ्कन र भरत रेग्मीको सम्पादन छ।
सिनेमाका गीतमा राम अविरल र शान भुसालको शब्द रचना, एसडी योगी र शान भुसालको सङ्गीत तथा स्वरूपराज आचार्य, एसडी योगी, विज्ञानी पराजुली र एरिका क्षेत्रीको स्वर छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1750517330.png)
-1750489406.png)
-1749826086.png)
