बंगलादेशमा हिंसात्मक प्रदर्शन : के छ नेपाली विद्यार्थीको अवस्था ?

समाचार

नेपाल लाइभ बिहीबार, साउन ३, २०८१ ०६:५५

काठमाडौँ-बङ्गलादेशमा रोजगारीमा आरक्षणविरोधी प्रदर्शन हिंसात्मक बनेपछि ढाकास्थित नेपाली दूतावासले नेपाली विद्यार्थीलाई सुरक्षित रहन आग्रह गरेको छ ।

दूतावासले बुधवार सूचना जारी गर्दै नेपाली विद्यार्थीलाई सुरक्षित रहन, अत्यावश्यक कामबाहेक आफू बसेको स्थानबाट बाहिर ननिस्कन र कलेज प्रशासनको निर्देशन पालना गर्न सचेत गराएको हो ।

बंगलादेशमा कृषि, मेडिकल, इन्जिनियरिङलगायत विषय अध्ययन गर्ने नेपाली विद्यार्थीको संख्या ३ हजारभन्दा बढी रहेको र हालसम्म उनीहरु सबै सुरक्षित रहेको दूतावासले जनाएको छ ।

प्रदर्शनमा हालसम्म ६ जनाको मृत्यु भएको छ । जसमध्ये ३ जना विद्यार्थीहरू छन् ।

बङ्गलादेशको स्वतन्त्रता आन्दोलनमा भाग लिएका व्यक्तिहरूका छोराछोरीलाई सरकारी जागिरमा दिइएको आरक्षणको विरोधमा आन्दोलन सुरु भएको हो । आरक्षणको विरोधमा उत्रिएका विद्यार्थी र सत्तारुढ अवामी लिगको भ्रातृ सङ्गठन बङ्गलादेश छात्र लिगबीच देशका विभिन्न ठाउँमा हिंसात्मक झडप भइरहेका छन् ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय

मन्त्रिपरिषद् बैठक सुरु

अप्राकृतिक भएकै कारण अब ओली सरकार चल्दैन : अध्यक्ष प्रचण्ड