डोल्पाको दुनैमा बाढी, सरकारी कार्यालयसहित केही घरमा क्षति

समाचार

नेपाल लाइभ मंगलबार, साउन १, २०८१ ०७:०३

डोल्पा-डोल्पाको सदरमुकाम दुनैमा गएराति आएको बाढीले सरकारी कार्यालय र केही घरमा क्षति गरेको छ । राति २ बजेदेखि सुरु भएको वर्षापछि खहरे खोलामा आएको बाढी घर र सरकारी कार्यालयमा पसेको हो ।

बाढी जिल्ला अदालत, दुनै घारी टोल र आसपासका घरहरुमा पसेको छ । यस्तै मालपोत कार्यालय र त्यस आसपासका घर र घुम्ती पसलहरुमा पनि बाढी पसेको छ ।

बाढी आएपछि जिल्ला प्रशासन कार्यालय डोल्पाले आवश्यक सुरक्षाकर्मी परिचालन गरि बस्तुस्थिति बुझिएको र पुग्न सक्ने ठाउहरुमा राति नै आफू पुगेको प्रमुख जिल्ला अधिकारी तुल्सीप्रसाद दाहालले जनाएका छन् । बाढीले कुनै पनि मानवीय क्षति नभएको र अन्य क्षति के-कति भयो भन्ने यकिन हुन नसकेको प्रजिअ दाहालको भनाइ छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

रवि लामिछानेलाई ५४ लाख धरौटीमा छाड्न चितवन जिल्ला अदालतको आदेश

सुनिल पौडेलविरुद्ध घुस लिएको आरोपमा अर्को भ्रष्टाचार मुद्दा

पेट्रोलियम पदार्थ अन्वेषणलाई तीव्रता दिन सांसदको माग