खानेपानी मन्त्री यादवको पहिलो निर्णय: संगठन तथा व्यवस्थापन सर्वेक्षण समितिको प्रतिवेदन मन्त्रिपरिषद्मा पठाउने

समाचार

नेपाल लाइभ सोमबार, असार ३१, २०८१ १६:१९

वीरगञ्ज– सोमबार नवनियुक्त खानेपानी मन्त्री प्रदीप यादवले मन्त्रालय पुगेर पदभार ग्रहण गरेका छन्। पदभार ग्रहण गर्नुअघि शीतल निवासमा आयोजित समारोहमा उहाँले पद तथा गोपनीयताको शपथ लिएका थिए।

पदभार ग्रहण गरेपछि मन्त्री यादवले मन्त्रालयका सचिव स्तरीय निर्णयअनुसार ७ सदस्यीय सङ्गठन तथा व्यवस्थापन सर्वेक्षण समितिको प्रतिवेदनलाई मन्त्रिपरिषद्मा स्वीकृतिका लागि सङ्घीय मामिला तथा सामान्य प्रशासन मन्त्रालयमा पठाउने निर्णय गरेका छन्।

मन्त्री यादवले आफ्नो प्राथमिकता सबै नेपाली नागरिकलाई सुरक्षित र स्वच्छ खानेपानीको पहुँच सुनिश्चित गर्नु रहेको बताए। उनले भने, "आधुनिक प्रविधिको प्रयोगद्वारा खानेपानी वितरण प्रणालीलाई सुधार गर्ने र मन्त्रालयका सम्पूर्ण कामकारबाहीलाई पारदर्शी र उत्तरदायी बनाउन म प्रतिबद्ध छु।"

उनले स्थानीय तहहरूसँग सहकार्य गर्दै खानेपानी व्यवस्थापनमा सक्रिय सहभागिता सुनिश्चित गर्ने पनि प्रतिबद्धता व्यक्त गरे। मन्त्री यादवले आफूलाई खानेपानी मन्त्रीको जिम्मेवारी दिएर विश्वास गरेकोमा प्रधानमन्त्री केपी शर्मा ओलीप्रति आभार प्रकट गर्दै भने, "यस महत्त्वपूर्ण जिम्मेवारीलाई प्रभावकारी रूपमा सम्पादन गर्न तपाईँको मार्गदर्शन र समर्थनले सम्पूर्ण प्रयास गर्ने वाचा गर्दछु।"

यादवले जनता समाजवादी पार्टीका अध्यक्ष अशोक कुमार राईलगायत सबै पदाधिकारीहरूलाई विशेष धन्यवाद ज्ञापन गर्दै भने, "तपाईँहरूको नेतृत्व र प्रेरणाले मलाई अझ बढी समर्पित र उत्साहित बनाएको छ।"

उनले आफ्नो निर्वाचन क्षेत्र पर्सा- १ का सम्पूर्ण जनता, परिवारका सदस्यहरू, र सम्पूर्ण शुभचिन्तकहरूप्रति आभार प्रकट गर्दै भने, "तपाईँहरूको समर्थन र विश्वासले नै आज म यो स्थानमा पुगेको छु।"

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

सभाखोलामा आएको बाढीले जनजीवन प्रभावित

प्रशामक सेवा राष्ट्रिय रणनीति स्वीकृत

कम्युनिस्ट आन्दोलनलाई एकताबद्ध गर्न जरुरी : अध्यक्ष नेपाल