बेलायतमा लेबर पार्टी जिततर्फ अग्रसर, किएर स्टार्मर नयाँ प्रधानमन्त्री बन्ने

विश्व

नेपाल लाइभ शुक्रबार, असार २१, २०८१ ०८:०७

एजेन्सी–बेलायतमा लेबर पार्टी १४ वर्षपछि सत्तामा फर्कने निश्चित भएको छ । हालै भएको निर्वाचनमा बहुमततर्फ अग्रसर भएपछि लेबरको सत्ता पुनरागमन निश्चित भएको हो।

हालसम्म घोषित परिणामअनुसार लेबर पार्टीले ६० सिट जितिसकेको छ । एग्जिट पोलहरुले लेबर पार्टीलाई ४ सय १० स्थान हासिल हुन सक्ने देखाएका छन्। सत्तारुढ ऋषि सुनक नेतृत्वको कन्जरभेटिभ पार्टी भने जम्मा १ सय ३१ स्थानमा सीमित हुने अनुमान गरिएको छ ।

लेबरको जितसँगै नेता किएर स्टार्मर बेलायतका नयाँ प्रधानमन्त्री बन्ने भएका छन्। स्टार्मरले सामाजिक सञ्जालमा मतदातालाई धन्यवाद दिएका छन् ।

६१ वर्षीय स्टार्मर सन् २०२० को अप्रिलमा लेबरका नेता चुनिएका थिए । त्यसअघि जेरेमी कोर्बिनले नेतृत्व लिएका थिए । नेता चयन हुँदा स्टार्मरले भनेका थिए, ‘यस महान पार्टीलाई नयाँ आशा र विश्वासका साथ नयाँ युगतर्फ अघि बढाउनेछु ।’
यसअघि सन् २०१० मा लेबर पार्टीले जित्दा डेभिड क्यामरुन प्रधानमन्त्री बनेका थिए ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

भीरबाट खसेर प्रधानाध्यापकको मृत्यु

कृषि बालीमा धेरै विषादी प्रयोग नगर्न आग्रह

खानेपानीमन्त्रीकाे कार्यकक्षमा आगलागीः महत्वपूर्ण कागजात जल्न नपाएको मन्त्री यादवको दाबी