बेचन झालाई ५ दिन थुनामा राख्न जिल्ला अदालतको अनुमति

सुरक्षा/अपराध

नेपाल लाइभ बिहीबार, असार २०, २०८१ १९:३०

काठमाडौँ- नक्कली भुटानी शरणार्थी प्रकरणमा पक्राउ परेका बेचन झालाई ५ दिन थुनामा राख्न जिल्ला अदालत काठमाडौँले अनुमति दिएको छ।

प्रहरीले बिहीबार ५२ वर्षीय झालाई अदालत उपस्थित गराउँदै दोस्रो पटक अनुसन्धानका लागि म्याद मागेको थियो। संगठित अपराधमा अनुसन्धान गरिरहेकाले ६० दिनको हदम्यादमा यो दोस्रो पटक थुनामा राख्ने अनुमति अदालतले दिएको हो।

जिल्ला प्रहरी परिसर काठमाडौँले ठगी र संगठित अपराधअन्तर्गतको कसुरमा अनुसन्धानका लागि हिरासतमा राख्न अनुमति माग्दै जिल्ला अदालत काठमाडौँमा उपस्थित गराएको थियो। गत शुक्रबार पक्राउ परेका झालाई अदालतले अनुसन्धानका लागि हिरासतमा राख्न दिएको म्याद बिहीबार सकिएको थियो।

झालाई नेपाल प्रहरीको टोलीले भारतबाट पक्राउ गरेर नेपाल ल्याएको थियो । पहिले अनुसन्धान हुँदा ठेगाना नखुलेको भन्दै अनुसन्धान नगरिएका झा पक्राउ परेपछि यो घटनामा दोस्रो चरणको अनुसन्धान सुरु भएको प्रहरी अधिकृतहरू बताएका छन्। उनीसँगै नक्कली भुटानी शरणार्थी प्रकरणमा उच्च राजनीतिक संलग्नता खुल्ने अनुमान गरिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

वायुसेवा निगम सुधार्न ४ सदस्यीय अध्ययन समिति गठन

संसदीय समितिमा राजकिशोर यादव र प्रेम सुवालबीच चर्काचर्की

सहकारी ठगी प्रकरण: रवि लामिछानेसहितको थुनछेक बहस सकियो, आजै आदेश आउने सम्भावना