उत्तर प्रदेश– भारतको उत्तर प्रदेश राज्यका मुख्यमन्त्री योगी आदित्यनाथ हाथरस पुगेका छन्। मङ्गलवार यहाँ आयोजित एउटा सत्संगमा भागदौड हुँदा १२१ जनाको मृत्यु भएको थियो। सो घटनामा कयौँ बेपत्ता भएका छन्।
योगीले हाथरसको सरकारी अस्पतालमा भर्ना भएका घाइतेलाई भेटेका छन्। उनले हाथरस प्रहरीसँग बैठक गर्दै स्थितिको समीक्षा पनि गरे। भागदौड नारायण साकार उर्फ भोले बाबाको सत्संगमा भएको हो।
सत्संग अलिगढलाई एटासँग जोड्ने राष्ट्रिय राजमार्ग ३४ मा रहेको सिकन्दरराव शहरबाट करिब चार किलोमिटर टाढा फुलराई गाउँमा आयोजना गरिएको थियो।
सत्संगका लागि अनुमति माग्ने क्रममा आयोजकहरूले प्रशासनलाई करिब ८० हजार मानिस सहभागी हुने बताएका थिए। तर यहाँ आउनेको सङ्ख्या एक लाखदेखि डेढ लाख रहेको अनुमान गरिएको छ।
प्रत्यक्षदर्शी तथा भक्तजनका अनुसार सत्संग सकिएपछि यहाँ आएका भक्तजनहरूबीच बाबाको चरणको धुलो लिन प्रतिस्पर्धा चल्दा भाग दौड भएको थियो। मुख्यमन्त्री योगीले मृतकका परिवारलाई २ लाख र घाइतेलाई ५० हजार आर्थिक सहायताको घोषणा गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764947412.jpg)
-1764146706.png)
