भारतमा सत्संगमा भएको भागदौडमा मृत्यु हुनेको संख्या १ सय नाघ्यो

विश्व

नेपाल लाइभ बुधबार, असार १९, २०८१ ०७:०६

एजेन्सी-भारत उत्तर प्रदेशको हाथरसमा सत्संगका क्रममा भएको भागदौडमा ज्यान गुमाउनेको संख्या एक सय नाघेको छ ।

उत्तर प्रदेश प्रहरीको आगरा क्षेत्रको प्रहरीले एक सय जनाको मृत्यु भएको पुष्टि गरेको हो । यसअघि हातरसका प्रहरी उपरीक्षक निपुन अग्रवालले हातरस दुर्घटनामा करिब ६० जनाको मृत्यु भएको र १८ जना घाइते भएको जानकारी दिएका थिए ।

प्रत्यक्षदर्शीलाई उद्दृत गर्दै भारतीय सञ्चारमाध्यमले जनाएअनुसार सत्संग सकिएपछि भोले बाबा नामका धार्मिक अगुवाको खुट्टाको धुलो उठाउन मानिसहरू दौडिएका थिए । तर बाबा अर्कोतर्फ जाँदा मानिसहरू त्यतैतिर दौडिए । तर त्यस क्रममा सडकको छेउमा खसेर खाडलमा खस्दा धेरै मानिसको ज्यान गएको हो ।

मृतकमा अधिकांश महिला र बालबालिका छन् । आयोजक र स्थानीयले घाइतेलाई अस्पताल लगेका थिए । मंगलबार दिउँसो २ बजेतिर घटना भएको थियो।

भारतीय प्रधानमन्त्री नरेन्द्र मोदीले हाथरस घटनाप्रति दुःख व्यक्त गरेका छन् । उनले मृतकका परिवारलाई २ लाख र घाइतेलाई ५० हजार रुपैयाँ क्षतिपूर्ति दिने घोषणा गरेका छन् । यसका साथै उत्तर प्रदेश सरकारले मृतकका परिवारलाई २ लाख र घाइतेलाई ५० हजार रुपैयाँ दिने घोषणा गरेको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

थारू सीप र संस्कृतिको प्रवद्र्धन गरौं : सभापति देउवा

मुक्तकमैया र कमलरी समस्या समाधान गर्न सरकार गम्भीर : मन्त्री राणा

झण्डै १८ हजार अफगान शरणार्थी स्वदेश फर्किए