९ वटा टेलिभिजनविरुद्ध आरजुले दर्ता गरिन् उजुरी

समाचार

नेपाल लाइभ सोमबार, असार १७, २०८१ १४:३०

काठमाडौं– नेपाली कांग्रेसकी नेतृ डा. आरजु राणाले विभिन्न नौवटा टेलिभिजनविरुद्ध प्रेस काउन्सिलमा उजुरी दिएकी छन्। नक्कली भुटानी शरणार्थी प्रकरणमा असार १५ मा पक्राउ परेका बेचन झासँग जोडेर आपत्तिजनक सामाग्री प्रसारण गरेको भन्दै आरजुले ती टेलिभिजनविरुद्ध काउन्सिलमा उजुरी दिएकी हुन्।

कञ्चनपुरबाट पक्राउ परेका झामाथि बिचौलियालाई तत्कालीन गृहमन्त्री, सचिव लगायतसँग भेट गराइदिन मध्यस्थकर्ताको त भूमिका खेलेको आरोप छ। उनै झासँग जोडेर विभिन्न सञ्चारमाध्यमले आरजुको नाम जोडेका थिए। यस प्रकरणमा बेचनले आरजुको पनि नाम लिएका थिए।

यही सवालमा आरजुले भ्रामक समाचार हटाएर चरित्र हत्या गर्ने मनासयले प्रकाशित/प्रशारण गरेका सञ्चारमाध्यामहरूलाई कारवाही गर्न मागसहित उनले उजुरी हालेकी हुन्।

‘उपरोक्त सम्वन्धमा माननीय आरजु राणा देउवालाई जोडेर प्रकाशन/प्रशारण भएका समाचारहरू तथ्यहीन, भ्रामक र उहाँको चरित्र हत्या गर्ने मनासयले आएका छन्’, उनले स्वकीय सचिव कमल रावलमार्फत पठाएको उजुरीमा भनेकी छन्, ‘प्रकाशित भएकाले यसका सम्पादक, प्रकाशक र समाचार तयार गर्ने सञ्चारकर्मीहरूलाई कानुनअनुसार कारबाही गरी भ्रामक समाचार हटाउन निर्देशन दिन अनुरोध गर्दछु।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पुल भासिएपछि दुम्कीबासमा लामो जाम (तस्बिरहरू)

राहुघाटको ‘स्विचयार्ड’ निर्माण सुरू

नेपालको पासपोर्ट झन कमजोर बन्यो