आज २१ औं राष्ट्रिय धान दिवस, सरकारको मु्ख्य कार्यक्रम चितवनको बछौलीमा

समाचार

नेपाल लाइभ शनिबार, असार १५, २०८१ ०७:०५

काठमाडौं-'जलवायु मैत्री कृषि, धान उत्पादनमा वृद्धि’ भन्ने नाराका साथ आज २१ औँ राष्ट्रिय धान दिवस विभिन्न कार्यक्रमका साथ मनाइँदैछ ।

नेपाल कृषि अनुसन्धान परिषद् (नार्क) को सिफारिसमा २०६१ मंसिर २९ गतेको मन्त्रीस्तरीय निर्णयबाट असार १५ गतेलाई धान दिवसका रुपमा मनाउन शुरु गरिएको हो । कृषिको परनिर्भरता कम गर्न र किसानलाई हौसला पुर्‍याउन प्रत्येक वर्ष धान दिवस मनाइँदै आएको छ ।

आजको दिनलाई दही चिउरा खाने दिनका रुपमा पनि लिइन्छ ।

सरकारले असार १५ गते धान दिवस तथा रोपाइँ महोत्सवको मुख्य कार्यक्रम चितवनमा गर्ने भएको छ । प्रधानमन्त्री पुष्पकमल दाहाल र कृषि तथा पशुपन्छी विकासमन्त्री ज्वालाकुमारी साहको उपस्थितिमा चितवनको बछौलीमा कार्यक्रम गरिने भएको छ ।

हाल नेपालमा ५७ लाख मेट्रिक धान उत्पादन भइरहेको छ । आत्मनिर्भर हुनका लागि तीन लाख मेट्रिक टन धानअभाव रहेको जनाइएको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

धुलिखेलमा करेन्ट लागेर मजदुरको मृत्यु

सभाखोलामा आएको बाढीले जनजीवन प्रभावित

प्रशामक सेवा राष्ट्रिय रणनीति स्वीकृत