काठमाडौं-भारत आइसिसी टी-२० विश्वकपको फाइनलमा पुगेको छ। गए राति सम्पन्न सेमिफाइनलमा इङ्ल्यान्डलाई ६८ रनले पराजित गर्दै भारत फाइनलमा प्रवेश गरेको हो। भारतले अब फाइनलमा दक्षिण अफ्रिकाको सामना गर्नेछ ।
गुयानाको प्रोभिडेन्स स्टेडियममा इङ्ल्यान्डका कप्तान जोस बटलरले टस जितेर बलिङ रोजेका थिए । रोहित शर्माको अर्धशतकको मद्दतमा पहिले ब्याटिङ गरेको भारतले इंग्ल्याण्डलाई १७२ रनको लक्ष्य दिएको थियो ।
सो लक्ष्य पछ्याउने क्रममा इंग्ल्यान्ड १६ दशमलब ४ ओभरमा १०३ रन बनाउँदा अलआउट हुन पुगेको हो।
भारतका अक्षर पटेल र कुलदीप यादवले ३-३ विकेट लिए भने जसप्रित बुमराहले २ विकेट लिए ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
