मेलम्ची नदीमा महिलाको शव भेटियो

समाचार

नेपाल लाइभ बिहीबार, असार १३, २०८१ १९:४७

सिन्धुपाल्चोक- सिन्धुपाल्चोकको मेलम्ची नगरपालिका–६ तालामाराङस्थित मेलम्ची नदीमा एक महिलाको शव फेला परेको छ। बिहीबार बिहान अन्दाजी २२ वर्षीय निशाकुमारी तामाङको शव फेला परेको इलाका प्रहरी कार्यालय मेलम्चीका प्रहरी प्रमुख, प्रहरी निरीक्षक भगवती तिमिल्सेना जानकारी दिए।

हेलम्बु गाउँपालिका–५ की तामाङको मानसिक सन्तुलन ठिक नभएको प्रहरीको प्रारम्भिक अनुसन्धानबाट पत्ता लागेको छ। परिवारसँग हिजो काठमाडौँ जान्छु भनेर हिँडेकी उनी हेलम्बु गाउँपालिका–२ चिउरीखर्कस्थित खोला तर्दै गरेका देखेपछि स्थानीयले प्रहरीलाई खबर गरेका थिए।

यस विषयमा थप अनुसन्धान भइरहेको इलाका प्रहरी कार्यालय मेलम्चीले जनाएको छ। शव परीक्षणका लागि काठमाडौँ पठाइएको तिमिल्सेना जानकारी दिए।

-रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अर्जुन ट्रफीमा फाइनल प्रवेशका अत्तरिया र धनगढी भिड्दै

क्यारिबियन सागरमा ७.६ म्याग्निच्युडको भूकम्प

प्रतिनिधिसभा बैठक बस्दै, यस्तो छ कार्यसूची