युक्रेनले छिट्टै इयु सुरक्षा सम्झौतामा हस्ताक्षर गर्ने

विश्व

नेपाल लाइभ बिहीबार, असार ६, २०८१ ०७:१७

एजेन्सी-युक्रेनले चाँडै युरोपेली सङ्घ (इयु) सँग सुरक्षा सम्झौतामा हस्ताक्षर गर्ने भएको छ । यसबाट रुससँगको लडाइँमा सैन्य सहयोग सुनिश्चित हुने आशा युक्रेनको छ ।

राष्ट्रपति भोलोदिमर जेलेन्स्कीले गत साता संयुक्त राज्य अमेरिकासँग १० वर्षको सुरक्षा सम्झौता नाटो सदस्यताका लागि ‘सेतु’ का रूपमा भएको बताएका छन् ।

युक्रेनी सञ्चारमाध्यमका अनुसार किएभले इयुका सदस्य मुलुकसहित १७ मुलुकसँग सुरक्षा सम्झौतामा हस्ताक्षर गरेको छ र अन्य १० मुलुकसँग सम्झौतामा वार्ता गर्ने प्रक्रियामा छ ।

“युक्रेनी र इयुका वार्ता टोलीहरूले सुरक्षा सम्झौतालाई अन्तिम रूप दिएका छन् र निकट भविष्यमा यसमा हस्ताक्षर गर्ने सहमति व्यक्त गरेका छन्”, युक्रेनी राष्ट्रपतिले भनेका छन् ।

हाल युक्रेनी सेना रुसी आक्रमणविरुद्ध मुलुकको पूर्व र दक्षिणमा सीमामा पकड कायम गर्नका लागि सङ्घर्ष गरिरहेको छ र सैन्य सामग्री अभाव बेहोरिरहेको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

क्रान्तिपछि बङ्गलादेशको हिरासतमा दर्जन व्यक्तिको मृत्यु : मानवअधिकार समूह

मेलम्चीको पाइप फुटेर बबरमहल क्षेत्रमा बाढी, सरकारी कार्यालयमा डुबान

सेयर बजार ८.२६ अंकले बढ्यो, कारोबार रकममा सुधार