नयाँदिल्ली–सत्तारुढ भारतीय जनता पार्टी बहुमत प्राप्त गर्न असफल भएको छ ।
प्राप्त नतिजाअनुसार लोकसभाको कूल ५ सय ३४ सिटमध्ये बहुमतका लागि २ सय ७२ सिट आवश्यक भएकोमा भाजपाले २ सय ३४ मात्र सिट पाएको छ । भाजपा नेतृत्वको एनडीए गठबन्धनले भने २ सय ९२ सिट पाएको छ, जुन स्पष्ट बहुमत हो । एनडीएमा जेडीयुले १२ सिट तथा टीडीपीले १६ सिट पाएको छ ।
यता, विपक्षी कांग्रेसले ९९, समाजवादी पार्टीले ३७, तृणमुल कांग्रेसले २९ डीएमकेले २१ सिट पाएको छ भने बाँकी अन्य साना दल विजयी भएका छन् ।
अब प्रधानमन्त्री नरेन्द्र मोदीलाई सरकार बनाउन गठबन्धनका अन्य दलको सहयोग लिनुपर्ने भएको छ । उनले गत जनवरीमा एनडीएमा आएका बिहारका मुख्यमन्त्री नितिशकुमारको साथ लिनुपर्ने हुन्छ । नितिशकुमारको जेडीयुले बिहारमा १२ सिटमा जित हासिल गरेको छ भने भाजपाले पनि १२ सिट जितेको छ ।
यस्तै, एनडीएकै चन्द्रबाबु नायडुको तेलुगुदेशम पार्टीले १६ सिट जितेको छ । आन्ध्र प्रदेशमा तेलुगुदेशमले विधानसभाको १ सय ७५ सिटमध्ये १ सय ३५ सिटमा जित हासिल गरेको छ । केहीसमय अघिसम्म मोदी सरकारविरुद्ध मोर्चा बनाएका उनको हैसियत एनडीएमा महत्वपूर्ण हुने बताइएको छ ।
कांग्रेसले पनि सरकार बनाउने प्रयास गर्ने कि नगर्ने भन्नेबारे आजको बैठकपछि निर्णय लिने बताइएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
