'फर्की फर्की'को ट्रेलर रिलिज, बिर्साइदेला त अनमोललाई सुपरफ्लप 'छड्के -२'

समाचार

नेपाल लाइभ शुक्रबार, वैशाख ७, २०८१ १९:१९

काठमाडौं– 'छड्के २'बाट अप्रत्यासित सुपरफ्लप नतिजा भोगेका अनमोल केसीको नयाँ सिनेमा 'फर्की फर्की'को ट्रेलर रिलिज भएको छ।

सार्वजनिक ट्रेलरले यो सिनेमामा अनमोल आफ्नो पुरानै मिस्टर चार्मिङ, क्यासिनोभा स्टाइलमा प्रस्तुत भएका छन्।

ट्रेलरमा उनलाई 'टाइम ट्राभल' अर्थात एउटा समयबाट अर्को समयमा जानसक्ने पात्रको रुपमा पेस गरिएको छ। सिनेमाले उनको यही क्षमताका कारण हुने परिस्थितिको कथा पेस गर्छ।

सुयोग गुरुङ निर्देशित सिनेमामा अनमोलको जोडी जसिता गुरुङसँग कसिएको छ। उनीहरु पहिलोपटक यही सिनेमामा एकसाथ अनस्क्रिन रोमान्स गर्दैछन्।

जशिताको पछिल्लो रिलिज 'ज्याकी आइ एम २१' हो। उनको यो सिनेमा पनि वक्सअफिसमा असफल बनेको थियो।
त्यसैले अनमोल-जसिता दुबैका लागि यो सिनेमाले ठूलो अर्थ राख्छ। उनीहरु दुबैका लागि यो सिनेमा चल्नु जरुरी छ।

अनमोल र जसिताका अलवा कृष्ण मल्ल, निर्मल शर्मा, रवि काफ्ले, समृद्धि अर्याल लगायतको पनि अभिनय रहेको छ। सिनेमामा अभिनेता सलोन बस्नेत बिशेष भुमिकामा देखिएका छन्।

सिनेमा जेठ १० गते रिलिज हुनेछ। रोहित अधिकारी फिल्मस्को प्रस्तुतिमा निर्माण भएको सिनेमाका निर्माता ओम प्रकाश अग्रवाल र रोहित अधिकारी हुन्। मनोज ओली र रामु न्यौपाने सिनेमाका सह-निर्माता हुन् भने मोती कार्की तथा अनिरुद्र गिरी कार्यकारी निर्माता हुन्।

नरेन्द्र मैनालीको छायांकन, सुरेन्द्र पौडेलको सम्पादन, रोमन बज्रचार्य र नरेन लिम्बूको संगीत रहेको सिनेमामा अष्ट महर्जनको द्वन्द्व निर्देशन छ। गोविन्द शाहीको काफिया फिल्मस् र कुवेर सिने प्रोडक्सन सिनेमालाई वितरण गर्दैछन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सूर्यदर्शन सहकारी प्रकरण : दीपेश पुनमाथि २ करोड १४ लाख बिगो दाबी

कैलालीमा आधा किलो सुनसहित दुई भारतीय नागरिक पक्राउ

हृदयघातबाट थुनुवाको मृत्यु