'भाइरल गोर्खे' बन्दै सौगात, राँगामाथि गरे सयर

समाचार

नेपाल लाइभ मंगलबार, वैशाख ४, २०८१ ११:४०

काठमाडौं– भाइरल हुन जे पनि गर्ने फस्टाउँदो प्रवृत्तिलाई लिएर निर्माण हुन लागेको सिनेमा ‘भाईरल गोर्खे’ निर्माणको घोषणा भएको छ।

निर्माण पक्षले पोस्टर सार्वजनिक गर्दै सौगात मल्ल स्टारर सिनेमाको घोषणा गरिएको हो। पोस्टरमा दुईवटा राँगामाथि सौगात उभिएको देख्न सकिन्छ । उनको पृष्ठभूमिमा शहरको दृश्य देखाइएको छ।

435694380_1640535243355545_5621059668031607097_n-1713246247.jpg
सिनेमालाई निगम श्रेष्ठले निर्देशन गर्दैछन्। हास्य कथामा बन्ने सिनेमामा सौगातका अलावा श्रृष्टि श्रेष्ठ, बुद्धि तामाङ र लक्ड्मी गिरीको प्रमुख भूमिका रहनेछ।

‘सामाजिक सञ्जालको प्रयोग र प्रभाव बढ्दै जाँदा भाईरल हुने जे पनि गर्ने प्रवृत्ति पछिल्लो समय बढ्दो क्रममा छ,’ निर्देशक निगम श्रेष्ठले भने, ‘यसमै हाम्रो यो सिनेमा केन्द्रित रहनेछ। भाइरलका पछाडि लाग्दाको प्रभाव र असरको परिणाम सिनेमामा देखाइने छ।’

द जिएमआई एकेडेमी र निर्भाना फिल्म स्कुलको व्यानरमा निर्माण हुने सिनेमामा विशाल ताम्राकार र महेश लामिछानेको लगानी रहनेछ। अमर महर्जनले खिच्ने सिनेमा वैशाख ६ गतेबाट छायांकनमा जाँदैछ। लम्जुङ र गोरखामा सिनेमाको छायांकन हुने निर्देशक श्रेष्ठले जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सूर्यदर्शन सहकारी प्रकरण : दीपेश पुनमाथि २ करोड १४ लाख बिगो दाबी

कैलालीमा आधा किलो सुनसहित दुई भारतीय नागरिक पक्राउ

हृदयघातबाट थुनुवाको मृत्यु