काठमाडौं– सुदूरपश्चिम प्रदेशको बझाङ र कर्णाली प्रदेशको जाजरकोट केन्द्रविन्दु बनाएर हालै मात्र गएको भूकम्पले ठूलो जनधनको क्षति भएको छ।
भूकम्पका कारण कर्णाली प्रदेशका २ जिल्ला जाजरकोट र रुकुम पश्चिममा गरी १५४ जनाको मृत्यु भएको सरकारले जनाएको छ। यस्तै, बझाङमा भूकम्पबाट १ जनाको मृत्यु भएको थियो।
भूकम्पपछिको उद्धारमा सक्रियता देखाएको सरकारले राहत वितरणलाई भने व्यवस्थित बनाउन नसक्दा प्रभावितहरु मारमा परेका छन्। बढ्दो चिसोमा त्रिपाल तथा खुला आकाशमुनी रात बिताउँदा भूकम्प प्रभावितहरुमा अनेक स्वास्थ्य समस्या देखिन थालेको छ।
चिसो मौसममा खुला आकाशमुनि रात बिताउँदा जाजरकोटमा मात्रै २ जना भूकम्प प्रभावितको मृत्यु भएको छ।
भूकम्पपछि सरकारले अल्पकालीन र दीर्घकालीन रुपमा पुन:निर्माण तथा पुन:स्थापनाको कामलाई अगाडि बढाउने भनेको छ। त्यसका लागि हाल लगत संकलन लगायतको काम भइरहेको सरकारी निकायहरुले बताउँदै आएका छन्।
भूकम्पबाट करोडौंका भौतिक संरचनाहरु क्षतिग्रस्त भएका छन्। जसको पुन:निर्माणका लागि ठूलो रकम खर्च हुने देखिएको छ।
यसअघि १२ वैशाख २०७२ मा आएको भूकम्पले संघीय राजधानी काठमाडौंसहित मध्य नेपालका जिल्लाहरुमा ठूलो क्षति पुर्याएको थियो। गोरखाको बारपाक केन्द्र भइ गएको भूकम्पका कारण हजारौंको संख्यामा मानिसहरुले ज्यान गुमाएका थिए भने भौतिक संरचनाहरुमा पनि धेरै क्षति पुगेको थियो।
७२ सालको भूकम्पपछि सरकारले पुन:निर्माण प्राधिकरण गठन गरी पुन:स्थापना तथा पुन:निर्माणको काम अगाडि बढाएको थियो। ७२ सालको भूकम्प गएको दशक बित्नै लाग्दा पनि तत्कालीन समयमा ढलेका कतिपय संरचनाहरु अझै अलपत्र छन्।
१२ वैशाख २०७२ सालको भूकम्पपछि सरकारले निजी तथा सार्वजनिक भवनहरुको पुन:निर्माणमा अर्बौं रकम खर्च गरेको थियो। तर संघीय राजधानी काठमाडौंमै कतिपय संरचनाहरु अलपत्र तथा छरपस्ट छन्।
यसरी अलपत्र परेका संरचनाहरुको पुन:निर्माण कहिले र कसरी हुन्छ भन्ने विषय अझै अन्यौलमै छ।
१२ वैशाख २०७२ को भूकम्पबाट भत्किएर हालसम्म पनि पुन:निर्माण हुन नसकेका संरचनाहरु तस्बिरमा:
तस्बिरहरु: न्यूज एजेन्सी नेपाल
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1743336056.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1742289396-1743592964.jpg)
-1743318385.png)
