एजेन्सी– पृथ्वीको बढ्दो तापक्रमका कारण वैज्ञानिकहरु जीवनको अस्तित्व बचाउनका लागि वैकल्पिक ग्रहको खोजीमा निरन्तर खटिरहेका छन्।
टेलिस्कोपका सहयोगले उनीहरु हरेक दिन ब्रम्हाण्डमा नयाँ ग्रहको खोज गर्छन्। यति ठूलो ब्रम्हाण्डमा पृथ्वीबाहेक कतै न कतै त जीवन अवश्य होला भन्ने अपेक्षामा उनीहरु लागिपरेका छन्।
यही अभियानका क्रममा हालै वैज्ञानिकले एक नयाँ ग्रह खोजेका छन्। जसको आकार पृथ्वीसँग मिल्दोजुल्दो छ। टीओआई–७०० नामक एक ताराको हेबिटेबल जोनमा उक्त ग्रह पत्ता लागेको हो।
यो ग्रहको नाम टीओआई ७०० ई राखिएको छ। यो ग्रह पृथ्वीबाट मात्र १०० प्रकाश वर्षको दूरीमा रहेको छ। तर यो ग्रहसम्म पुग्नका लागि अहिल्यै मानिसले अत्याधुनिक प्रविधिको विकास भने गरिसकेका छैनन्।
वैज्ञानिकले यो ग्रहको आकार पृथ्वीसँग मिल्दोजुल्दो छ। साथै यसको भौगोलिक बनावट पनि पृथ्वीसँग मिल्ने रहेको वैज्ञानिकले बताएका छन्। यस ग्रहमा पानी तरल अवस्थामा हुनसक्ने अनुमान गरिएको छ।
जीवनको सम्भावना
टीओआई–७०० ई ग्रह टीओआई–७०० स्टार सिस्टमको दुई सम्भावित रहन योग्य ग्रहमध्ये एक हो। रहन लायक ग्रहको कुरा गर्दा यस्ता ग्रहलाई भनिन्छ जो आफ्नो ताराबाट निश्चित दूरीमा हुन्छन्। जहाँ पानी तरल अवस्थामा पाइन्छ।
यसका साथै यस्ता ग्रहको तापक्रम पनि मध्यम खालको हुन्छ। शोधकर्ताहरुले यस्ता ग्रह कसरी निर्माण हुन्छन् भन्नेबारेमा पनि अध्ययन थालेका छन्।
टीओआई–७०० ई ग्रह ब्रम्हाण्डमा जीवन रहन योग्य ग्रहहरुको सूचीमध्ये एक हो। अहिलेसम्म खोज भएका ग्रहमध्ये एक भिन्न प्रकारको रहेको छ।
खगोलविदले पहिलोपटक सन् १९९५ मा एक्सोप्लानेटको खोजी गरेका थिए। यो खोज र अनुसन्धान अहिले तीव्र बनेको छ। पहिला हरेक वर्ष केहीको संख्यामा मात्रै ग्रह पत्ता लगाउँदै आएका थिए। तर अहिले उन्नत प्रविधिका कारण दूर ब्रम्हाण्डमा अवस्थित ग्रहबारे पनि शोध गर्न वैज्ञानिक सक्षम हुँदै गएका छन्।
अहिलेसम्म वैज्ञानिकले ५ हजारभन्दा धेरै ज्ञात ग्रहहरु खोजेका छन्। जसमा ग्यासका भण्डारदेखि साना आकारका चट्टानी ग्रह समेत रहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1782224905-1782225890.jpeg)
-1764146706.png)
