काठमाडौं- प्रधानमन्त्री केपी शर्मा ओलीसँग भेटघाटका लागि डा गोविन्द केसी प्रधानमन्त्री निवास बालुवाटार पुगेका छन्। प्रधानमन्त्री ओलीले डा केसीलाई सरकारसँग भएका सहमति र स्वास्थ्य क्षेत्रका विषयमा छलफलका लागि बोलाएका हुन्।
असार १६ देखि २७ दिनसम्म अनसन बसेका डा केसीसँग सरकारले साउन १० मा ९ बुँदे सहमति गरेको थियो। उक्त सहमति अनुसार चिकित्सा शिक्षा विधेयकमा संशोधन प्रस्ताव दर्ता भएका छन्। सहमतिका अन्य बुँदाहरु भने अझैसम्म कार्यान्वयनमा आइसकेका छैनन्।
सहमति कार्यान्वयनका विषयमा सरकारले तिव्रता नदिएको भन्दै डा केसीले मंगलबार पत्रकार सम्मेलन गरेका थिए। उनले सहमतिका सबै बुँदा छिट्टै कार्यान्वयनमा आउने विश्वास रहेको समेत बताएका थिए।
अनसन तोड्ने कार्यक्रममा नेकपाका नेता सुवास नेम्वाङले अब डा केसीले अनसन बस्न नपर्ने बताएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1772777462.png)
