चौतारा- अविरल वर्षासँगै ठाउँठाउँमा गएको पहिरोले सिन्धुपाल्चोकमा दर्जनौं घर उच्च जोखिममा परेका छन्।
अविरल वर्षासँगै बुधबार राति पहिरोजाँदा सिन्धुपाल्चोकको सागाचोक र कुञ्चोकमा एकएक घर पुरिएका छन् भने थुम्पाखर र कालिकामा ६४ घर उच्च जोखिममा छन्।
चौतारा सागाचोकगढी नगरपालिका–११ सागाचोकमा गएको पहिरोले एउटा किराना पसल र इन्द्रावती गाउँपालिकाको कुञ्चोकमा एक घर पुरिएको जिल्ला प्रहरी कार्यालयले जनाएको छ। मंगलबार दिउँसो चर्को घाम र रातिको मुसलधारे वर्षाले सुनकोशी गाउँपालिका–३ कालिकामा गएको पहिरोले ४० घर उच्च जोखिमा परेका छन्।
जिल्ला समन्वय समितिका शाखा अधिकृत युगबहादुर खड्काले पहिरोका कारण विस्थापित भएका साबिक कालिका गाविस–९ का पाँच परिवार अहिले स्थानीय सरस्वती प्राविमा बसेका छन् भने अन्य ७ घरपरिवार सुरक्षित स्थानमा गइसकेका छन्। त्यस्तै वडा नं ५ को ५ घरसमेत विस्थापित भएका छन्। पहिरोका कारण एउटा पक्की घर बगिसकेको र अन्य ६/७ घर ढल्की सकेको खड्काले बताए।
गाउँका सडक खनिएको र नालीको उचित व्यवस्था नहुँदा माथिबाट पहिरो खसेको र तलबाट पनि पहिरोले तानेकाले त्यस्तो समस्या देखापरेको स्थानीयवासीले बताएका छन्।
त्यसैगरी सुनकोशी गाउँपालिका–६ थुम्पाखरमा पनि २५ घर पहिरोका कारण उच्च जोखिममा परेको वडाध्यक्ष रामकुमार थापाले बताए। यसैगरी साबिकका थुम्पाखरा गाविस–२ सुन्दरडाँडामा ४ घर, भालुखोपमा ३ घर, वडा १ को नौकिलोमा २ घर र वडा ६ को सानुपाखरमा १५ घर र वडा ७ को दलित बस्तीमा समेत २४ घर पहिरोको उच्च जोखिममा परेका छन्। जोखिम परिवारलाई त्रिपाल र प्लास्टिक वितरण गरिएको वडाध्यक्ष थापाले बताए।रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790058826.png)
-1790058103.png)
-1786602170.png)
-1789631269.jpg)
