काठमाडौं– नेपाल कम्युनिष्ट पार्टी (नेकपा)ले सांगठनिक एकीकरणको कामलाई बिहीबार टुंगो लगाउने भएको छ।
बुधबार प्रधानमन्त्रीको सरकारी निवास बालुवाटारमा बसेको पार्टीको सचिवालय बैठकले सांगठनिक एकिकरण सम्बन्धी विषयलाई बिहीबार(भोलि) टुंगो लगाउने सहमति गरेको हो। पार्टीको विधान अनुसार भदौ ५ गते भित्र संगठन एकीकरणको काम सम्पन्न गर्नुपर्ने भएकोले नेकपाले त्यसतर्फ आफ्नो ध्यान केन्द्रीत गरेको हो।
यसअघि नेकपाले भदौ ५ गते भित्र संगठनको एकीकरणको काम सम्पन्न गर्ने गरी आन्तरिक सर्कुलर समेत जारी गरेको थियो। त्यसैगरी मुलुकको समग्र राजनीतिक विषयबारे खुल्ला ढंगले छलफल गर्नका लागि स्थायी समितिको बैठक बोलाउने विषयमा पनि भोलिको बैठकले निर्णय गर्ने बताइएको छ।
बुधबारको बैठकमा प्रधानमन्त्री तथा पार्टीका अध्यक्ष केपी शर्मा ओलीले समसामयिक राजनीतिक परिस्थितिबारे सचिवालय सदस्यलाई जानकारी गराएको प्रवक्ता नारायणकाजी श्रेष्ठले जानकारी दिए।
बैठक बिहीबार २ बजे पुनः बस्ने छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
