एकीकृत समाजवादीको मत : प्रत्यक्षमा २१ स्थानबाट ४ लाख ३६ हजार, समानुपातिकमा देशभरबाट ३ लाख पुग्न मुस्किल

निर्वाचन विशेष

नेपाल लाइभ बिहीबार, मंसिर १५, २०७९ १७:०१

काठमाडौं- मंसिर ४ गते सम्पन्न प्रतिनिधि सभा निर्वाचन अन्तर्गत देशभरको समानुपातिकतर्फको मतगणना जारी छ। बिहीबार बेलुका ५ बजेसम्म १ करोड ३ लाख ४६ हजार ८१७ मत गणना भइसकेको छ। जारी मतगणनामा एमालेले सबैभन्दा बढी २७ लाख ६१ हजार ६४८ मत पाइसकेको छ।

त्यस्तै, कांग्रेसले २६ लाख ६० हजार ७८३, माओवादी केन्द्रले ११ लाख ६० हजार ७८३, राष्ट्रिय स्वतन्त्र पार्टीले ११ लाख १४ हजार २५८, राष्ट्रिय प्रजातन्त्र पार्टीले ५ लाख ८४ हजार ९६९ र जसपाले ४ लाख २० हजार ७५० मत पाइसकेको छ।

प्रतिनिधि सभामा प्रत्यक्षतर्फ १० सिट जितेको एकीकृत समाजवादीले समानुपातिकतर्फ न्युन मत पाएको देखिन्छ। सदर मतको ३ प्रतिशत अर्थात् थ्रेस होल्ड कटाउन पनि मुस्किल पर्ने देखिएको सो दलले बिहीबार बेलुकासम्म २ लाख ९३ हजार ९०५ मत पाएको देखिन्छ।

प्रत्यक्षतर्फ र समानुपातिकतर्फ एकीकृत समाजवादीको मत अनुपातमा निकै अन्तर देखिन्छ। प्रत्यक्षतर्फ सो पार्टीका १० उम्मेदवारले जित निकालेका छन्। उनीहरुको एकीकृत मत २ लाख ६६ हजार ९१० छ। उनीहरु सबैले सत्ता गठबन्धनको सहयोगमा निर्वाचन जितेका हुन्। त्यस्तै, गठबन्धन र एकल रुपमा प्रतिस्पर्धामा होमिएका उसका ११ उम्मेदवार पराजित भए। पराजित भएका ११ उम्मेदवारहरुले पाएको कुल मत १ लाख ६९ हजार ११० छ। यसरी एकीकृत समाजवादीका २१ उम्मेदवारले प्रत्यक्षतर्फ पाएको मत ४ लाख ३६ हजार २० छ।

तर, विजेता र पराजित उम्मेदवारहरुकै क्षेत्रमा एकीकृत समाजवादीको समानुपातिकतर्फ भने न्युन मत पाएको देखिन्छ। जस्तो कि, एकीकृत समाजवादीका विजयी १० उम्मेदवारको क्षेत्रमा ४४ हजार ६०३ मत खसेको देखिन्छ। पराजित ११ उम्मेदवारको क्षेत्रमा ३२ हजार १९५ मत खसेको छ। यसरी अहिलेसम्म ती २१ उम्मेदवारको क्षेत्रमा एकीकृत समाजवादीले पाएको समानुपातिक मत ७६ हजार ७९८ छ। जबकि, यिनै क्षेत्रमा प्रत्यक्ष उम्मेदवारले पाएको मत ४ लाख ३६ हजार २० छ।

रोचकचाहिँ, आफ्ना २१ उम्मेदवारले आफ्नो क्षेत्रमा पाएको कुल मत जति छ, एकीकृत समाजवादीले देशभरबाट समानुपातिकतर्फ त्यति मत पनि पाउन सकेको छैन। त्यो सम्भावना पनि छैन। प्रत्यक्षतर्फ २१ उम्मेदवारले पाएको जति मत मात्रै देशभरबाट समानुपातिकतर्फ आइदिएको भए उसलाई राष्ट्रिय दल बन्न बाधा पुग्ने थिएन। तर राष्ट्रिय सम्भावना बन्ने सम्भावना भने न्युन छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

भारत–पाकिस्तान तनावः भारतद्वारा ३२ विमानस्थलबाट नागरिक उडान बन्द

सुरक्षा जोखिमलाई लिएर पाकिस्तान सुपर लिग पनि स्थगित

पाकिस्तानले घोषणा गर्यो भारतविरुद्ध अपरेशन ‘बुन्यान उल मर्सूस’