ओटावा– साउदी अरबका लागि क्यानडाका राजदूतलाई रियादले देश निकाला गरेको खबरप्रति सोमबार ओटावाले ‘गम्भीरतापूर्वक चासो’ व्यक्त गरेको छ।
यसपहिले साउदी अरबले क्यानेडाली राजदूत डेनिस होराकका गतिविधि साउदी अरबको हित विपरीत हुनेगरी आएका भन्दै २४ घण्टाभित्र देश छाड्न भनेको थियो। साउदी अरबको विदेश मन्त्रालयले क्यानडासँगको सम्पूर्ण व्यापार तथा लगानीका कारोबारलाई पनि रोक्ने घोषणा गरेको थियो।
जेलमा परेका मानव अधिकारकर्मीलाई छोड्न दबाव दिएको भन्दै रियादले होराकलाई देश छाड्न भनेको हो।
‘साउदी अरबद्वारा हाम्रा राजदूतलाई देश छाड्न भनी आएका समाचार तथा पछिल्ला विज्ञप्तिहरूबारे हाम्रो ध्यानाकर्षण भएको छ। यसबारे रियादलाई थप प्रष्ट पार्न आग्रह गर्दछौं।’, क्यानाडेली विदेश मन्त्रालयका प्रवक्ता मारिया–पिएर बारिलले भनिन्। रासस/एएफपी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788705448.jpeg)
-1786602170.png)
-1789631269.jpg)
