काठमाडौं- श्रम, रोजगार तथा सामाजिक सुरक्षामन्त्री गोकर्ण विष्ट र नेपालका लागि गणतन्त्र कोरियाका राजदूत एचई पार्क योङसिकबीच सोमबार श्रम मन्त्रालयमा भएको भेटमा कोरियाको सेवा क्षेत्रमा नेपाली कामदार पठाउने विषयमा छलफल भएको छ।
कोरियाका राजदूतसँग भएको भेटमा श्रममन्त्री विष्टले नेपाली कामदारको कोटा वृद्धि गर्दै सेवा क्षेत्रमा पनि कामदार लिन आग्रह गरेको श्रम मन्त्रालयले जनाएको छ।
मन्त्री विष्टसँग भएको भेटमा कोरियाली राजदूत योङसिकले नेपाली कामदार इमान्दार र मिहिनेती भएकाले कामदारको संख्या थप गर्ने र अन्य सेवा क्षेत्रमा समेत कामदार लैजाने प्रक्रियामा सहयोग गर्ने बताएका थिए।
हाल कोरियाले नेपालबाट इपिएस कोरियन भाषामाफर्त नेपाली कामदारलाई उद्योग र कृषि क्षेत्रमा मात्रै लिँदै आएको छ। सरकारी स्तरमा जिटुजी गरेर सन् २००८ बाट कोरियाले नेपाली कामदार आपूर्ति गर्दै आएको छ।
कोरियामा नेपाली कामदारले भोगिरहेको निराशा र आत्माहत्याको समस्याको न्यूनीकरणका लागि कामदारका आफन्तलाई भेटघाटको अवसर मिलाई दिन मन्त्री विष्टले राजदूत योङसिकसँग आग्रह गरेको मन्त्रालयको भनाइ छ।
मन्त्रालयका अनुसार नेपाली कामदारका आफन्तलाई कोरियामा भेटघाट गर्न जाने अवसर मिलाउने विषयमा छलफल भएको छ।
बैंकिङ माध्यमबाट विप्रेषणलाई स्वदेशमा ल्याउने, सुलभदरमा कामदारलाई हवाई सेवा प्रदान गर्ने जस्ता विषयमा पनि छलफल भएको श्रम मन्त्रालयले जानकारी दिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788705448.jpeg)
-1786602170.png)
-1789631269.jpg)
