काठमाडौं– नेपाल पत्रकार महासंघले ‘साइबर क्राइम’लाई पत्रकार तर्साउने माध्यामका रुपमा प्रयोग नगर्न सरकारको ध्यानाकर्षण गराएको छ।
राजधानीमा आइतबार आयोजित एक कार्यक्रममा नेपाल पत्रकार महासंघका वरिष्ठ उपाध्यक्ष विपुल पोखरेलले ‘साइबर क्राइम’को नाममा प्रेस तथा अभिव्यक्ति स्वतन्त्रतामाथि हनन् हुन नदिन महासंघ सचेत रहेको बताएका हुन्। उनले साइबर क्राइम प्रेस तथा अभिव्यक्ति स्वतन्त्रतासँग सम्बन्धित विषय नभएकाले यसलाई पत्रकारहरुसँग जोडेर हेर्न नमिल्ने बताए। वरिष्ठ उपाध्यक्ष पोखरेलले पत्रकारलाई साइबर क्राइमको नाममा तर्साउने काम गरे सह्य नहुने चेतावनी समेत दिएका छन्।
कार्यक्रममा प्रहरी उपरीक्षक नरेन्द्र उप्रेतीले अनुसन्धानबाट पुष्टि नभई साइबर क्राइम अन्तर्गत कसैलाई पनि कारबाही नगरिने बताए। उनले साइबर अपराधसम्बन्धी उजुरी आएपछि त्यसलाई प्रमाणका आधारमा मात्रै अघि बढाउने गरेको उनको दाबी थियो।
नेपाल प्रहरीसँग हाल १ हजार १ सय ९७ वटा साइबर क्राइमसम्बन्धी उजुरी दर्ता भएका छन्। ती सबै उजुरीमाथि प्रणाम पु¥याएर मात्रै कारबाही प्रक्रिया अघि बढाउने प्रहरीको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751372795.jpg)
-1764146706.png)
