इस्लामावाद– पाकिस्तानी एक विशेष अदालतले पूर्वराष्ट्रपति जनरल प्रवेज मुसर्रफविरुद्धको राजद्रोह मुद्दालाई यही अगस्ट २० पछि पुनः सुनुवाइ गर्ने भएको छ।
लाहोर उच्च अदालतका प्रधानन्यायाधीश यवार अली, बलोचिस्तान उच्च अदालतका न्यायाधीश ताहिरा सरदार र सिन्ध उच्च अदालतका न्यायाधीश नजार अकबरले उक्त मुद्दालाई हेर्ने बताइएको छ।
पाकिस्तानी मुस्लिम लिग–नवाज (पिएमएल–एन)को सरकारले सन् २०१३ मा दर्ता गराएको मुद्दामा मुसर्रफलाई सन् २००७ मा संकटकालको घोषणा गर्दा अवैध रूपमा सेनाको सहयोगमा देशको संविधानलाई निलम्वन गरेको आरोप लगाइएको छ।
मुसर्रफको नाम देश बाहिर भ्रमण गर्न नपाउने सूचीबाट हटेपछि स्वास्थ्यको कारण देखाउँदै उनी दुबई प्रस्थान गरेपछि उक्त मुद्दा सन् २०१६ देखि विचाराधीन अवस्थामा रहँदै आएको थियो।
मुसर्रफको अनुपस्थितिमा उक्त मुद्दा प्रक्रियालाई अघि बढाउन नसकिएको हो। विशेष अदालतले मुसर्रफलाई दोषी घोषणा गरेको र उनको सम्पत्ति जफत गर्न भनिएको भएपनि अदालती कानूनी प्रक्रिया नपुगेको भन्दै अभियोग लगाइएको भने थिएन।
मुसर्रफलाई पाकिस्तान फर्कने अन्तिम पटक मौका दिइएपनि उनी स्वदेश नआएकाले न्यायालयद्वारा उनको राष्ट्रिय परिचय पत्र र राहदानीलाई निषेध गर्न आग्रह गरिएको छ। रासस/एएनआई
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786360041.jpg)
-1786602170.png)
-1789992067.jpeg)
-1789631269.jpg)
