फुटबल

घाइते डी मारिया र डिबाला अर्जेन्टिनी विश्वकप टोलीमा, छैनन् लो सेल्सो र कोरेया

नेपाल लाइभ शनिबार, कात्तिक २६, २०७९ १६:५१

काठमाडौं– कतारमा यसै नोभेम्बर २० देखि सुरु हुने विश्वकप फुटबलका लागि अर्जेन्टिनाले राष्ट्रिय टोली घोषणा गरेको छ।

अर्जेन्टिनाका मुख्य प्रशिक्षक लियोनल स्कालोनीले हालै २६ सदस्यीय टोली घोषणा गरेका हुन्।

Why 2022 World Cup Might Not Be Messi's Last, Lionel Scaloni Says

सुपरस्टार लियोनल मेसीको कप्तानीमा गरिएको टोलीमा घाइते खेलाडीद्वय इटालियन क्लब युभेन्ट्सका विंगर एंगेल डी मारिया र रोमाका फरवार्ड पावलो डिबाला पनि परेका छन्।

अर्जेन्टिनी फुटबल संघका अनुसार डी मारियाको इन्जुरी छिटो रिकोभर भइरहेकाले उनलाई टोलीमा राखिएको हो।

त्यस्तै, डिबाला पनि विश्वकपमा अर्जेन्टिनाको खेल सुरु हुँदासम्म ठीक भइसक्ने अनुमान गरिएको छ।

त्यसो त डिबाला शुक्रबारदेखि नै आफ्नो क्लब रोमाको रिकोभरी ट्रेनिङमा फर्किएको बताइएको छ।

स्पेनिस क्लब भिल्लारियालका मिडफिल्डर जिओभानी लो सेल्सो भने घाइते भएकै कारण टोलीमा परेका छैनन्। उनी अलि गम्भीर घाइते भएको बताइएको छ। लो सेल्सोको अनुपस्थिति अर्जेन्टिनामा लागि ठूलो क्षति हुने विश्लेषण गरिएको छ। किनकि, उनी पछिल्लो समयमा अर्जेन्टिनाको मिडफिल्डका बलिया खम्बा थिए।

Lo Celso irá ante Guatemala

यता, डिबालाले पनि यसअघि विश्वकप गुमाउने निश्चितजस्तो थियो। तर, उनको इन्जुरी ठीक हुने देखिएकाले टोलीमा समावेश गरिएको प्रशिक्षक स्कालोनीले बताएका छन्।

यसैगरी, अर्को स्पेनिस क्लब एट्लेटिको म्याड्रिडका फरवार्ड एंगेल कोरेया पनि टोलीमा अटाएनन्। अर्जेन्टिनाको फरवार्ड लाइनमा धेरै विकल्प रहेकाले उनले अवसर नपाएको बताइएको छ।

विश्वकप नोभेम्बर २० बाट सुरु हुँदैछ। विश्वकपमा अर्जेन्टिना समूह ’सी’मा रहेको छ। यो समूहमा मेक्सिको, पोल्याण्ड र साउदी अरेबिया पनि छन्।

अर्जेन्टिनाले नोभेम्बर २२ मा साउदी अरेबियासँग खेल्दै विश्वकपको सुरुवात गर्नेछ।

यस्तो अर्जेन्टिनी टोली:

Goalkeepers:
Emiliano Dibu Martínez (Aston Villa)
Gerónimo Rulli (Villarreal)
Franco Armani (River Plate)

Defenders:
Nahuel Molina (Atletico Madrid)
Gonzalo Montiel (Sevilla)
Cristian Cuti Romero (Tottenham Hotspur)
Germán Pezzella (Real Betis)
Nicolás Otamendi (Benfica)
Lisandro Martínez (Manchester United)
Marcos Acuña (Sevilla)
Nicolás Tagliafico (Lyon)
Juan Foyth (Villarreal)

Midfielders:
Rodrigo De Paul (Atletico Madrid)
Leandro Paredes (Juventus)
Alexis Mac Allister (Brighton)
Guido Rodríguez (Real Betis)
Alejandro Papu Gómez (Sevilla)
Enzo Fernández (Benfica)
Exequiel Palacios (Bayer Leverkusen)

Forwards:
Ángel Di María (Juventus)
Lautaro Martínez (Inter)
Julián Álvarez (Manchester City)
Nicolás González (Fiorentina)
Joaquín Correa (Inter)
Paulo Dybala (Inter)
Lionel Messi (Paris Saint-Germain)

यो पनि पढ्नुहोस

रामोस र पिके परेनन् स्पेनको विश्वकप टोलीमा

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बेरुतमा भएको इजरायली हमलामा ११ जनाको मृत्यु

धनकुटा र उदयपुरमा प्रहरीद्वारा ६४ हजार गाँजाका बोट फडानी

प्यालेस्टाइनमाथिको आक्रमण रोक्न माग गर्दै काठमाडौंमा प्रदर्शन