सूचना, प्रविधिको माध्यमबाट मुलुकलाई समृद्ध बनाउँछौँ : प्रधानमन्त्री

सूचना-प्रविधि

नेपाल लाइभ शुक्रबार, साउन १८, २०७५ ०८:१४

काठमाडौं– प्रधानमन्त्री केपी शर्मा ओलीले सूचना, प्रविधिको माध्यमबाट मुलुकलाई समृद्ध बनाउने घोषणा गरेका छन्।

प्रधानमन्त्री ओलीले ‘समृद्ध नेपाल र सुखी नेपाली’ बनाउन सूचना, प्रविधिको प्रयोग अति उपयोगी माध्यम भएकाले सरकार यसलाई बढावा दिन केन्द्रित रहेको स्पष्ट पारे।

शुक्रबार ‘डिजिटल नेपाल कन्फ्रेन्स’को काठमाडौंमा उद्घाटन गर्दै प्रधानमन्त्री ओलीले विश्वमा प्रतिस्पर्धी बन्न सूचना प्रविधिको प्रयोग अनिवार्य रहेको पनि बताए। उनले मुलुकलाई छिटो अघि बढाउन पनि सूचना प्रविधितर्फको यात्रा अपरिहार्य रहेको जिकिर गरे। प्रधानमन्त्री ओलीले प्रविधिको माध्यमबाट उत्पादन र उत्पादकत्व बढाउने र मुलुकलाई समृद्ध बनाउन योजना पनि अघि सारेका थिए।

‘सरकारले मुलुकलाई समृद्ध, आधुनिक र सभ्य बनाउन चाहेको छ। उत्पीडित जनतामा खुसीयाली छाउने गरी सुशासन र विकासमा जोड दिएका छौँ।’, प्रधानमन्त्री ओलीले भने।

कार्यक्रममा बोल्दै सञ्चार तथा सूचना, प्रविधि मन्त्री गोकुल बाँस्कोटाले मुलुकको सामाजिक, आर्थिक रुपान्तरणका लागि सरकारले सूचना, प्रविधिको विकासमा ध्यान केन्द्रित गरेको बताए। उनले भारत र चीनको सूचना प्रविधिबाट नेपालले लाभ लिने वातावरण बनाउने प्रतिवद्धता पनि व्यक्त गरे।

कार्यक्रममा सूचना प्रविधिमार्फत् एकद्वारबाट सेवाग्राहीलाई सुविधा दिन निजामती कितावखाना र कर्मचारी सञ्चय कोषबीच समझदारी पनि गरिएको थियो। सम्मेलनमा सूचना, प्रविधिको क्षेत्रमा कार्यरत राष्ट्रिय तथा अन्तर्राष्ट्रिय क्षेत्रका विज्ञहरु सहभागी रहेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय

मन्त्रिपरिषद् बैठक सुरु

अप्राकृतिक भएकै कारण अब ओली सरकार चल्दैन : अध्यक्ष प्रचण्ड