सत्ता गठबन्धनमा सिट बाँडफाँटको रस्साकस्सी चलिरहँदा सबैभन्दा चासोका साथ हेरिएको निर्वाचन क्षेत्र थियो सिन्धुपाल्चोक–१। अघिल्लो चुनावमा निवर्तमान सभामुख अग्नि सापकोटाले जितेको उक्त क्षेत्रमा माओवादी केन्द्रको ‘स्वभाविक’ दाबी थियो। नेपाली कांग्रेसका नेता मोहन बस्नेत आफूले टिकट नपाए ‘बिद्रोह’ गर्ने चेतावनी दिइरहेका हुन्थे। अन्तत: बस्नेतको निर्वाचन क्षेत्र नै परिवर्त गरेर सिन्धुपाल्चोक १ माओवादीको भागमा पर्यो।
अग्नि सापकोटाले फेरि पनि उम्मेदवार बन्ने ‘रुचि’ देखाएनन्। माओवादी केन्द्रबाट माधव सापकोटा ‘सुवोध’ उम्मेदवार बने। सुवोधसँग मुख्य प्रतिस्पर्धीका रुपमा नेकपा एमालेका सरेश नेपाल उम्मेदवार छन्।
गठबन्धन नै भत्किने अवस्थामा पुग्नसक्ने आशंकाका बीच ‘सहज’ रुपमा भागबण्डा मिलेको सिन्धुपाल्चोक १ मा चुनावी तयारी, चुनावी अजेन्डा लगायत विषयमा गठबन्धनका साझा उम्मेदवार सुवोधसँग नेपाल लाइभले गरेको कुराकानी:
भागबण्डा मिलाउन निकै सकस परेको क्षेत्रमा गठबन्धनको साझा उम्मेदवार बन्नुभएको छ। जनताले पनि पत्याउँछन् भन्नेमा कति आशावादी हुनुहुन्छ?
मंसिर ४ गतेको निर्वाचनका लागि हामी हाम्रो कुरा बुझाउन जनताका माझमा छौँ। अहिलेसम्म माहोल समग्रमा रामो छ। मतदाताले सकारात्मक प्रतिक्रिया दिएका छन्। अहिले हामी, मुख्यत: गठबन्धन भित्रका नेताका कार्यकर्ताका भेला छलफल अन्तर्क्रियाहरु चलाइरहेका छौं। गठबन्धनको निर्वाचन परिचालन समितिहरु बनाउने, त्यसभित्र छलफल गर्ने। कार्यकर्ताहरु भेला गर्ने। यस्तै अगुवा कार्यक्रममा पनि बढी केन्द्रित रहेका छौं। समग्रमा हामीले उत्साहजनक प्रतिक्रिया पाएका छौं। अब हामी मतदातमा आफ्ना कुरा लिएर जाने अन्तिम तयारी अवस्थामा छौं।
मतदाताले किन मत दिने? मंसिर ४ को निर्वाचनलाई लक्षित गरेर यो प्रश्न व्यापक बनेको छ। सिन्धुपाल्चोक १ का मतदाताबाट पनि तपाईंले यो प्रश्नको सामाना गर्नुपर्ला नि ?
म यस क्षेत्रको युवा उम्मेदबार हुँ। मैले के भनेको छु भने म युवा समुदायको चर्चित उम्मेदवार पनि छु। युवा हुनको नाताले अहिलेका समस्या र सवालहरुमा केही न केही परिवर्तन ल्याउनेगरी काम गर्छु भन्ने कुरा गरेको छु। दोस्रो कुरा भौतिक पूर्वधार लगायतका विकास निर्माण जनताले माग गरेका कुराहरु छँदैछ। त्यसका अलावा शिक्षा, सवास्थ्य, आयआर्जन, स्वरोजगारका क्षेत्रमा संघ प्रदेश र स्थानीय सरकार, दातृ निकाय र निजी क्षेत्रका साधान स्रोतहरुलाई केन्द्रित गरेर आय आर्जन, स्वरोजगारका क्षेत्रमा केही न केही नमूनायोग्य कामहरु सुरु गर्छाैँ। रोजगारी चाहानेलाई रोजगारीको अवसर– रोजगार मात्रै होइन, आफैँ स्वरोजगार बन्छु, उद्यम गर्छु भन्नेलाई वातावरण बनाउने योजना पनि छन्। यसको प्रत्यक्ष रुपमा बजार व्यवस्थापन लगायतका कुराहरु स्थानीय सरकारमार्फत् सम्पादन गर्ने मोडेलमा संम्वन्वयनकारी भुमिका खेल्छु भन्ने प्रतिबद्धता व्यक्त गर्दै हिँडेको छु।
निवर्तमान सभामुख अग्नि सापकोटा र कांग्रेस नेता मोहन बस्नेतको ‘बिरासत’ जोडिएको क्षेत्रका रुपमा लिइन्छ, सिन्धुपाल्चोक १ लाई। तपाईंलाई त्यो ‘विरासत’ थेग्नुपर्ने चुनौती कत्तिको छ?
मतदातालाई मैले के भनिराको छु भने सभामुखले यसपटक आफू नउठेर, त्याग गरेर उहाँकै प्रस्तावमा नेकपा माओवादी केन्द्रले मलाई उम्मेदवार बनाएको हो। यही क्षेत्रबाट दुई–दुईपटक जित हासिल गर्नुभएको मोहन बस्नेत अर्को क्षेत्रमा सरेर, गठबन्धनले यहाँ माओवादीलाई दियो।
यसरी हेर्दा दुवैजना (अग्नि सापकोटा र मोहन बस्नेत)ले म युवा र नयाँ अनुहारका लागि त्याग गर्नुभएको रुपमा मैले लिएको छु। म त्यसको सम्मान र मूल्याङ्कन गर्दै निर्वाचनको प्रचारमा छु। जनताका बीचमा यी कुरा स्थापित गर्न चाहन्छु। मैले के भनेको छु भने उहाँहरुले थालनी गरेर, उहाँहरुले जनताका बीचमा प्रतिबद्धता गरेर बाँकी रहेका, अधुरा कामहरु जे छन् ती काम, कुरालाई पूरा गर्नु मेरो पहिलो दायित्व हुन्छ। त्यसका साथमा जनताहरुको आवश्यकता र नेताको रुपमा मैले काम गर्ने छु। आवशयकताअनुसार नेतृत्व गर्ने र मूलत शिक्षा, स्वास्थ्य आयआर्जन र स्वरोजगाका क्षेत्रमा संयोजनकारी भूमिका साथ कामको नेतृत्व गर्ने मेरो योजना हो।
स्थानीय तहको मतपरिणामअनुसार तपाईंको क्षेत्रमा गठबन्ध बलियो नै देखिन्छ। तर नेपाली कांग्रेस र एकीकृत समाजवादीबाट पाउनुपर्ने सहयोग प्राप्त हुन्छ भन्नेमा कति विश्वास छ?
मैले अघि पनि भनिसकेँ, हामी जिल्लास्तर र क्षेत्रीयस्तरमा बसेर गठबन्धन दलहरुका बीचको छलफलबाट जिल्ला क्षेत्र, पालिका र वडास्तरको गठबन्धनको साझा परिचालन संयन्त्र विकास गरिसकेका छौँ। अब त्यसमा कहीँ पनि व्यक्तिगत रुपमा, संस्थागत रुपमा गठबन्धनका बारेमा सिन्धुपाल्चोकमा कुनै दुविदा छैन। अब संस्थागत रुपले एकताबद्ध भएर जाने भन्ने कुरा यहाँ कार्यरत र गठबन्धनका अस्तित्वमा रहेका हामी मूलत ४ वटा पार्टीहरु छौँ। ४ वटै पार्टीका जिल्ला समितिले गठबन्धनमा इमान्दार ढङ्गले जान नेता कार्यकर्तालाई निर्देशन भइ साझा संयन्त्र नै हामीले वडास्तमरमा गठन गरिसकेका छौँ। र वडा तथा पालीकास्तरमै गठबन्धनका शीर्षनेता र कार्यकर्ताहरुको भेला चलिराख्या छ। यसरी हेर्दा संस्थागत रुपमा गठबन्धन सुदृढ हुँदै गएको छ।
संस्थागत रुपमा केही जटिल छैन। व्यक्तिगत रुपमा केही गुनासो, केही विषयहरु बाँकी छ। त्यो कुरा हामी जनताकामा भोट माग्दै जाँदा छलफल र अन्तर्क्रिया गरेर सुल्झाउछौँ। यस बीचमा नमिलेका, बाँकी रहेका कुरा मिलाउछौँ। संस्थागत रुपामा चाहिँ गठबन्धनको कुरा टुङ्गिसकेको छ। मिलेकै छ।
मतदाताले मत दिनै पर्ने तपाईंका आधार तथा अजेण्डा के–के हुन?
खास गरीकन विकासको मोडेललाई योजनाबद्ध ढङ्गले, उत्पादन गर्ने एउटा टोल एउटा गाउँले जे माग्यो त्यही कुराका आधारमा मात्र होइन कि आवश्यकताका आधारमा दीर्घकालिन ढङ्गले सोचाइ राखेर हामीले बनाएका पूर्वाधार क्षेत्रका विकास निर्माणहरुको एउटा दिगोपनमा आधारित योजना हामीले ल्याएका छौं। अहिले एउटा गाउँमा गयो, माग भयो। त्यही आधारमा विकास गर्दिहाल्ने जस्तो भन्दा पनि त्यसले दूरगामी र दीर्घकालीन रुपमा कति महत्व राख्छन्? कति के हुन्छ ? भन्ने कुरा समेत लेखाजोखा नकगरिकन गर्ने, योजनाबद्ध भन्दा पनि भैपरी आउने तरिकाले गर्ने चलन अन्त्य गरेर योजनाबद्ध विकास निर्माणको मोडललाई अपनाउने भन्ने छ। त्यसपछि शिक्षा, स्वास्थ्य, आयआर्जन र स्वरोजगारको क्षेत्रमा व्यवस्थित तवरले, योजनाबद्ध ढङगले अगाडि बढाएर प्रत्यक्ष रुपमा आर्थिक, सामाजिक, सांस्कृतिक जीवनस्तरमा निर्वाचन क्षेत्रका मतदाता र जनताहरुको परिवर्तन ल्याउने गरिकन काम गर्ने भन्ने अजेण्डा छन्।
तपाईंले आफ्नो प्रतिस्पर्धीलाई कसरी हेर्नुभएको छ?
गठबन्धन इमान्दार भएर जाँदा हाम्रो प्रतिस्पर्धा हामी सँगै हो। हामीसँगैको प्रतिष्पर्धा हो भने गठबन्धन घटकहरुसँग भएको मतलाई राखेर कति फराकिलो मत अन्तरले चुनाव जित्ने भन्ने कुरा मात्रै बाँकी हो भन्ने मलाई लाग्दछ।
गठबन्धनभित्र इमान्दारितापूर्वक जाँदा हामी लोब्बर मतले प्रतिष्पर्धीलाई पराजित गर्छौँ। अहिले हाम्रो प्रतिस्पर्धी हामी नै हौँ। गठबन्धनलाई इमान्दार ढङ्गले लैजाने गरीकन आँफैभित्र प्रतिस्पर्धा र व्यवसथापनको काममा लागेका छौँ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
