काठमाडौं– लागूऔषध कारोबारीले आफु पत्रकार भएको भन्दै प्रहरीलाई झुक्याएर लागूऔषध कारोबार गरेको प्रहरीले जनाएको छ। त्यस्ता दुई जना काठमाडौंमा पक्राउ परेका छन्।
धनुषा घर भई सिनामंगल बस्ने राजकुमार चौधरी र बसन्तपुर बस्ने मोहम्मद साहिदलाई महानगरीय प्रहरी जनसेवाले पक्राउ गरेको हो। चौधरी कारोबारी र सहिद लागूऔषध सेवनकर्ता हुन्।
उनीहरुबाट कोडिन ३५ बोतल बरामद भएको छ। ज ७ प १४०७ नम्बरको मोटरसाइकलमा ‘प्रेस’ लेखेर चौधरीले चलाएका थिए। त्यही मोटरसाइकलमा लागूऔषध ओसार पसार गर्दथे।
प्रेस लेखेपछि प्रहरीले चेकिङमा कडाई नगर्ने ठानेर उनीहरुले यस्तो तरिका अपनाएको हुनसक्ने महानगरीय प्रहरी परिसर काठमाडौंका डिएसपी मोहन थापा बताउँछन्।
पक्राउ परेका चौधरीले विभिन्न मितिमा ४ लाख भन्दा धेरै मनि ट्रान्सफरबाट पैसा पठाएको भौचर समेत बरामद भएकाले उनी ठूला कारोबारी भएको प्रहरी आशंका छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
