काठमाडौं– अनुशासन विपरित गतिविधि गरेको आरोपमा राष्ट्रिय फुटबल टिमका ५ खेलाडीमाथि अखिल नेपाल फुटबल संघ (एन्फा)ले कारबाही अघि बढाएको छ। विमल घर्तीमगरसहित ५ जनालाई एन्फाले सोमबार स्पष्टीकरण सोधेको छ।
एसियाडको तयारीका लागि बन्दसत्रमा रहेका उनीहरु डिस्को गएर मदिरा सेवन गरी होहल्ला गरेका थिए। विमलसहित विशाल राई, अञ्जन विष्ट, छिरिङ गुरुङ र हेमन्त थापा मगर गत शनिबार डिस्कोमा गएर मदिरा सेवन गरेको भन्दै अनुशासनको कारबाही स्वरुप स्पष्टीकरण सोधिएको हो।
सोमबार बसेको एन्फाको अनुशासन कमिटीको बैठकले स्पष्टीकरण सोध्ने निर्णय गरेको एन्फाका प्रवक्ता किरण राईले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
