रत्ननगर- चितवनको भरतपुर महानगरपालिका–२३ सिद्धार्थ चोकका एक व्यक्तिको माछा मार्ने क्रममा डुबेर मृत्यु भएको छ।
जिल्ला प्रहरी कार्यालय चितवनका अनुसार चितवन राष्ट्रिय निकुञ्ज नजिकैको राप्ती नदीमा डुबेर सोही ठाउँमा ६३ वर्षीय बमबहादुर बलको मृत्यु भएको हो। आइतबार साँझ माछा मार्ने क्रममा नदीको भंगालोमा खसेर उनको मृत्यु भएको प्रहरीले जानकारी दिएको छ। उनको शवलाई परीक्षणका लागि भरतपुर अस्पतालमा ल्याइएको छ।
राप्ती नदीमा माछा मार्ने र पौडी खेल्ने क्रममा डुबेर तथा गोही लगायत वन्यजन्तुको आक्रमणमा परेर समेत मानिसको ज्यान जाने गरेको छ। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
