एजेन्सी– जातियताको आरोप लागेको दाबीसहित जर्मन मिडफिल्डर मेसुट ओजिलले अन्तर्राष्ट्रिय खेलबाट संन्यास लिएपछि विश्व फुटबल तरंगित बनेको छ।
ओजिलले आइतबार आफूलाई जातियताको आरोप लागेको दाबीसहित जर्मनीको जर्सीमा अन्तर्राष्ट्रिय खेल नखेल्ने बताएका थिए।
'जर्मनीले जित्दा म जर्मन हुँ, तर हार्दा म एक आप्रवासी हुँ, ' उनले भनेका छन्।
'पछिल्ला घटनाबाट मन ढक्क फुलेको छ। अब म जर्मनीबाट खेल्दिन। मलाई जातियता र अपमान गरिएको महसुस भएको छ। मैले जर्मनीको जर्स गर्वले लगाउने गरेको थिए। तर अब लगाउदिन। पुराना दिनहरु बिर्सन चाहान्छु।'
यता जर्मन फुटबल महासंघले भने ओजिलको आरोप खन्डन गरेको छ। जर्मन चान्सलर एन्जेला मर्केल भने ओजिलले देशका लागि योगदान दिएको बताएकी छिन्।
२९ वर्षीय ओजिलले जर्मनी २०१८ फिफा विश्वकप फुटबल प्रतियोगिताबाट जर्मनी समूह चरणबाट बाहिरिदा आफुलाई दोष लगाएको पनि दाबी गरेका छन्। उनले जर्मन फुटबल संघका कारण संन्यास लिन बाध्य भएको समेत बताएका थिए।
यसअघि टर्कीका राष्ट्रपति रेसेप टेयिपसँग लन्डनमा आयोजित एक कार्यक्रममा उनले सँगै फोटो खिँचाएका थिए। फोटो खिँचाएपछि ओजिलको चर्को आलोचना भएको थियो। ओजिलको फोटो सार्वजनिक भएपछि धेरै राजनीतिज्ञले प्रश्न समेत उठाएका थिए।
ओजिल तेस्रो पुस्ताका टर्कीस जर्मन नागरिक हुन्। उनी जर्मनीका जर्मनीका थिए। सन् २०१४ मा जर्मनीले विश्वकप जित्दा ओजिल टिमका महत्वपूर्ण सदस्य थिए।
तर उनले सबैसँग फोटो खिच्न र सबैको सम्मान गर्ने अधिकार भएको भन्दै स्पष्टिकरण दिएका थिए। फोटोको विषयमा धेरे मेल आएको ओजिलले बताएका थिए। ओजिलले आफ्नो परिवारलाई सामाजिक संजाल र फोनमार्फत धम्की आएको समेत बताएका थिए।
२००६ मा साल्केबाट खेल्दै ओजिलले सिनियर करिअर सुरु गरेका थिए। सन् २००९ मा राष्ट्रिय टिममा डेब्यू गरेका उनले ९२ क्याप जित्दै २३ गोल गरे।
क्लब करिअर जारी राख्ने ओजिल २०१० मा रियल म्याड्रिडमा आबद्ध भएपछि चर्चामा आएका थिए। ३ वर्ष रियलमा खेलेपछि उनी २०१३ मा इंग्लिस क्लब आर्सनलमा आवद्ध भएका थिए। उनले आर्सनलमा १ सय ४२ खेल खेलेर २७ गोल गरिसकेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
