काठमाडौं– नवलपुरको गैंडाकोट नगरपालिकाको हर्कपुरमा चौधरी फाउन्डेसनले सञ्चालनमा ल्याएको उन्नति कल्चरल भिलेजमा आयोजित फाइनप्रिन्ट फिभर समापन भएको छ। शुक्रबार सुरु भएको फिभरको दोस्रो दिन शनिबार नेता गगन थापादेखि अभिनेत्री मनीषा कोइराला र रवि लामिछानेसम्मका व्यक्तित्वले आआफ्ना धारणा एवम् अभिव्यक्ति राखे।
फिभरको दोस्रो दिनको पहिलो सेसन रह्यो, ‘देशजगत्’। यो सेसनमा लेखक एवम् उद्यमी जीवा लामिछानेसँग नेता गगन थापाले अन्तर्संवाद गरे। यो संवादमा उनीहरुले विदेशमा बसिरहेका नेपाली एवम् उनीहरुको अवस्था र गैरआवासीय नेपालीहरुले नेपालमा गर्न खोजेका लगानी आदिका विषयमा चर्चा पनि भयो। साथै लामिछानेको पुस्तक ‘देश देशावर’मा आधारित रहेर पनि संवाद भयो।
यसपछिको सत्र थियो, ‘इन्द्रेणी’ शीर्षकको। यो सत्रमा निरञ्जन कुँवरसँग प्रतीक्षा कट्टेलले संवाद गरिन्। यस सत्रमा नेपालमा क्वेरहरुले भोग्नुपरेका विभिन्न कठिनाइ एवम् जटिलताबारे चर्चा भयो। साथै शैक्षिक पाठ्यक्रममा यो विषयले प्राथमिकता नभएको विषयमा पनि वक्ताहरुले चर्चा गरे।
यसैगरी अर्को सत्र थियो, ‘बाँच्ने अभिलाषा’। यो सत्रमा अभिनेत्री मनीषा कोइरालासँग स्वरूप आचार्यले अन्तर्संवाद गरे। यो सत्रमा अभिनेत्री कोइरालाले क्यान्सर लागेपछि आफूले भोग्नुपरेका पीडा एवम् त्यसविरुद्ध जुध्न आफूले गर्नुपरेका संघर्षका कथा सुनाइन्। क्यान्सर लागेपछिको अमेरिका बसाइ अनि त्यसको निदानपछि आफूले अपनाएको जीवनशैलीबारे पनि यो सत्रमा अन्तर्संवाद भयो।
यसपछिको सत्र रह्यो, ‘पुँजीवाद र स्वतन्त्र समाज’। यो सत्रमा मुराहरि पराजुलीसँग विद्यालक्ष्मी महर्जनले वार्ता गरिन्। यस सत्रमा दुवै वक्ताले नेपालमा स्वतन्त्रताको अवस्था एवम् पुँजीवादको अवस्था आदि विषयमा आधारित रहेर चर्चा गरे। साथै उनीहरुले विश्वका अन्य मुलुकमा भइरहेको अभ्यासबारे पनि अन्तर्संवाद गरे।
‘राजनीतिसँगै राजकाज’ पुस्तकका विषयमा आधारित रहेर लेखक एवम् नेता रवीन्द्र मिश्रसँग पत्रकार रवि लामिछानेले छलफल गरे। यो सत्रमा उनीहरुले नेपालमा भइरहेको राजनीतिक अवस्था र त्यसले जनजीवनमा पारेको प्रभावबारे अन्तर्संवाद गरे। उक्त अवसरमा मिश्रको पुस्तक ‘राजनीतिसँगै राजकाज’ पुस्तक तीन जना युवालाई वितरण गरियो। मिश्रको पुस्तकको औपचारिक विमोचन भने भइसकेको छैन। यसपछिको सत्र थियो, ‘रहरका रङ’को। यो सत्रमा ‘रहर’ कथासंग्रहका लेखक सुरेश बडालसँग प्रकृति भट्टराई बस्नेतले संवाद गरिन्। यो सत्रमा लेखक बडालले आफ्नो लेखनयात्राका बारेमा छलफल त गरे नै, सँगै पुस्तकका अन्तर्वस्तुबारे पनि चर्चा गरियो।
संवादको अन्तिम सत्र थियो, ‘धमिराहरू’। यो सत्रमा लेखक राजीव उपाध्यायसँग प्रकाश रिमालले संवाद चलाए। उनीहरुले नेपालमा भ्रष्टाचारको अवस्था एवम् विविध विषयमा चर्चापरिचर्चा गरे। साथै देशको समृद्धिका लागि आर्थिक विषयमा गर्नुपर्ने कामबारे पनि उनीहरुबीच अन्तर्संवाद भयो। तर जबसम्म नेपालमा भ्रष्टाचार निर्मूल हुँदैन, तबसम्म समृद्धिको कल्पना गर्न नहुने उनीहरुले बताए।
यसैगरी समापन प्रस्तुति रह्यो, ‘रेप मेसिन’ शीर्षक नाटक। यही नाटकसँगै फाइनप्रिन्टका सबै सत्र एवम् फाइनप्रिन्ट फिभर सम्पन्न भयो।
कार्यक्रमका अवसरमा लेखकसँग पुस्तक हस्ताक्षरका कार्यक्रम रहे। विशेष छुटमा पुस्तक प्रदर्शनी पनि भयो। र अन्य रचनात्मक कार्यक्रम पनि भए। यो कार्यक्रमले पाठक एवम् लेखकलाई नजिक्याएको आयोजकले विश्वास लिएको छ। चौधरी फाउन्डेसनसँगको सहकार्यमा भएको सबै सत्र निःशुल्क रहे।
कार्यक्रममा सहभागी हुन चाहनेहरुलाई लक्ष्य गरी आयोजकले भरतपुरस्थित वीरेन्द्र क्याम्पस चोकअगाडि सिजी ल्यान्डमार्क र कावासोती चोकबाट सटल बसबाट आवतजावतको समेत व्यवस्था गरेको थियो।
नवलपुरको हर्कपुरस्थित उन्नति कल्चरल भिलेजमा कार्यक्रम भएको थियो।
कला (हस्तकला र साहित्य)को प्रवर्द्धनका लागि पनि दीर्घकालीन योजनासाथ तीव्रस्तरमा काम भइरहेको छ। करिब ६ बिघा जग्गामा फैलिएको भिलेजमा नेपाली क्राफ्टको हिस्ट्री म्युजियम छ। कला र साहित्यको प्रवर्द्धनकै लागि भनेर कला केन्द्र बनाइएको छ। कलाघर पनि यहीँ छ, जहाँ विभिन्न ‘क्रिएटिभ फिल्ड’का विशेषज्ञ आएर आआफ्ना कला सिर्जना गर्न सक्छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1744277672.jpg)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743318385.png)
