दाहाल –नेपाल पक्षले बाेलायाे संसदीय दलको बैठक

राजनीति

दाहाल –नेपाल पक्षले बाेलायाे संसदीय दलको बैठक

64x64

नेपाल लाइभ शुक्रबार, फागुन २१, २०७७, ११:४७

काठमाडौं–नेकपा पुष्पकमल दाहाल ‘प्रचण्ड’ –माधवकुमार नेपाल पक्षले दिउँसो १ बजे संसदीय दलको बैठक बोलाएको छ। केपी शर्मा ओली पक्षले शनिवार दिउँसो ३ बजे दलको बैठक बोलाएपछि प्रचण्ड–माधव पक्षले एक दिनअघि नै दलको बैठक बोलाएको हो।

नेकपाका प्रतिनिधि सभा र राष्ट्रिय सभा सबै सांसदलाई दलको बैठकमा उपस्थित हुन सूचना पठाएको प्रचण्ड–माधव पक्षका दलका नेता देव गुरुङले बताए।

‘हामीले नेकपा राष्ट्रिय सभाका ५० जना र प्रतिनिधि सभाका १ सय ७३ जना सदस्यलाई सूचना पठाएका छाैं,’ नेपाल लाइभसँग कुरा गर्दै गुरुङले भने, दलको बैठक बोलाउने भनेपछि ओली पक्ष वा प्रचण्ड–माधव पक्ष भनेर छुट्याएका छैनौ।’

सबैलाई उपस्थित हुन निर्देशन दिएकाे उनकाे भनाइ छ। ‘सबै सांसदलाई दिउँसो १ बजे दलको कार्यालय सिंहदवारमा उपस्थित हुन निर्देशन दिएइको छ,’ उनले भने।

ओली पक्षले शनिवार ३ बजे संसद भवन नयाँ बानेश्वरमा दलको बैठक बोलाएको छ। उनी पक्षका प्रमुख सचेतक बिशाल भट्टराईले सबै सांसदलाई सूचना पाएका हुन्।

शुक्रबार बिहान नेकपाका नेतात्रय पुष्पकमल दाहाल ‘प्रचण्ड’, माधवकुमार नेपाल तथा झलनाथ खनालसिहतकाे बैठकले संसदीय दलको बैठक बाेलाउने निर्णय गरेकाे हाे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

64x64

नेपाल लाइभ

लेखकबाट थप

कुशलको अर्धशतकीय इनिङ्समा नेपालकाे लगातार दाेस्राे जित

माधव नेपाल अर्काको पतिका लागि सती गइरहेका छन् : ओली

संविधान रक्षाका लागि पत्रकारको भूमिका महत्वपूर्ण : नेता सिंह